Kategorie: Daaglike Lesse (Page 6 of 7)

Les 16 – Ek het geen neutrale gedagtes nie.

Julie 31, 2025 /

1. Vandag se idee is die eerste stap om die oortuiging dat jou gedagtes geen gevolge het nie, uit die weg te ruim. 2Alles wat jy sien, is die resultaat van jou gedagtes. 3Daar bestaan geen uitsondering op hierdie feit nie. 4Gedagtes is nie groot of klein, sterk of swak nie. 5Hulle is bloot waar of onwaar. 6Dié wat waar is, skep na hulle eie beeld. 7Dié wat onwaar is, maak hulle s’n.

2. Geen enkele begrip weerspreek homself meer as dié een oor “ledige gedagtes” nie. 2Wat aanleiding gee tot die persepsie van ’n hele wêreld kan beswaarlik ledig genoem word. 3Elke gedagte wat jy het, dra by tot waarheid of illusie: óf dit brei die waarheid uit, óf dit vermenigvuldig illusies. 4Jy kan inderdaad niks vermenigvuldig nie, maar jy sal dit sodoende ook nie uitbrei nie.

3. Naas jou erkenning dat gedagtes nooit ledig is nie, is dit vir verlossing ook nodig dat jy erken dat elke gedagte wat jy het jou óf vrede óf oorlog besorg, óf liefde óf vrees. 2’n Neutrale resultaat is onmoontlik omdat ’n neutrale gedagte onmoontlik is. 3Daar bestaan so ’n groot versoeking om vreesgedagtes af te maak as onbelangrik, onbenullig en nie die moeite werd om jou oor te bekommer nie, dat dit noodsaaklik is dat jy insien dat hulle almal ewe destruktief, maar ewe onwerklik is. 4Ons sal hierdie idee in vele vorms oefen voordat jy dit regtig begryp.

4. Wanneer jy vandag se idee toepas, ondersoek jy jou geestesdenke eers vir ongeveer ’n minuut lank met geslote oë, en probeer bewustelik geen enkele “klein” gedagtetjie oor te slaan wat neig om die soektog te ontwyk nie. 2Dit is nogal moeilik totdat jy daaraan gewoond raak. 3Jy sal vind dat dit steeds vir jou moeilik is om nie tog ’n kunsmatige onderskeid te tref nie. 4Elke gedagte wat by jou opkom, afgesien van die waarde wat jy daaraan heg, is geskik om vandag se idee op toe te pas.

5. Herhaal tydens die oefenperiodes eers die idee vir jouself, en hou elke gedagte vas soos dit jou geestesdenke te binne skiet, terwyl jy vir jouself sê:

              2Hierdie gedagte oor __________ is nie ’n neutrale gedagte nie.

              3Daardie gedagte oor __________ is nie ’n neutrale gedagte nie.

4Gebruik vandag se idee soos gewoonlik, wanneer jy ook al bewus word van ’n spesifieke gedagte wat ongemak veroorsaak. 5Die volgende vorm word voorgestel vir hierdie doel:

            6Hierdie gedagte oor __________ is nie ’n neutrale gedagte nie, want ek het nie             neutrale gedagtes nie.

6. Vier of vyf oefenperiodes word aanbeveel, as jy hulle relatief maklik vind. 2As spanning ervaar word, sal drie genoeg wees. 3Die lengte van die oefenperiode behoort ook verminder te word as daar ongemak voorkom.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 16: I have no neutral thoughts. (ACIM, W-16)

Les 15 – My gedagtes is beelde wat ek gemaak het.

Julie 30, 2025 /

1. Juis omdat die gedagtes wat jy dink jy dink as beelde verskyn, herken jy hulle nie as niks nie. 2Jy dink dat jy hulle dink, en dus dink jy dat jy hulle sien. 3Dit is hoe jou “sien” tot stand gekom het. 4Dit is die funksie wat jy aan jou liggaam se oë gegee het. 5Dit is nie sien nie. 6Dit is die maak van beelde. 7Dit neem die plek van sien in en vervang visie met illusie.

2. Hierdie inleidende idee tot die proses van beelde maak wat jy sien noem, sal nie veel betekenis vir jou hê nie. 2Jy sal dit begin begryp wanneer jy klein ligrandjies rondom dieselfde bekende voorwerpe wat jy nou sien, gesien het. 3Dit is die begin van ware visie. 4Jy kan seker wees dat ware visie spoedig sal volg wanneer dit gebeur het.

3. Soos ons voortgaan, mag jy baie “momente van lig” ervaar. 2Hulle mag baie verskillende vorms aanneem, sommiges nogal heeltemal onverwags. 3Moenie vir hulle bang wees nie. 4Hulle is tekens dat jy uiteindelik jou oë begin oopmaak. 5Hulle sal nie aanhou nie, want hulle is bloot simbolies van ware persepsie, en hou nie verband met kennis nie. 6Hierdie oefeninge sal nie kennis vir jou openbaar nie. 7Maar hulle sal die pad daarheen voorberei.

4. Herhaal, in die beoefening van vandag se idee, dit eers vir jouself en pas dit dan toe op alles wat jy om jou sien deur dit by die naam te noem en jou oë daarop te laat rus, terwyl jy sê:

              2Hierdie __________ is ’n beeld wat ek gemaak het.

              3Daardie __________ is ’n beeld wat ek gemaak het.

4Dit is nie nodig om ’n groot aantal spesifieke voorwerpe vir die toepassing van vandag se idee in te sluit nie. 5Dit is egter nodig om aan te hou kyk na elke voorwerp terwyl jy die idee vir jouself herhaal. 6Die idee moet elke keer taamlik stadig herhaal word.

5. Alhoewel jy uit die aard van die tydsduur nie in staat sal wees om die idee op regtig baie dinge van toepassing te maak gedurende die oefenperiode van ongeveer ’n minuut wat aanbeveel word nie, moet jy probeer om die keuses so vry en willekeurig as moontlik te maak. 2Minder as ’n minuut sal voldoende wees vir die oefenperiodes as jy ongemaklik begin voel. 3Moenie meer as drie oefenperiodes vir vandag se idee hou nie, tensy jy geheel en al gemaklik daarmee voel, en moenie vier oorskry nie. 4Die idee kan egter gedurende die dag na behoefte toegepas word.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 15: My thoughts are images that I have made. (ACIM, W-15)

Les 14 – God het nie ’n betekenislose wêreld geskep nie.

Julie 29, 2025 /

1. Vandag se idee is natuurlik die rede waarom ’n betekenislose wêreld onmoontlik is. 2Wat God nie geskep het nie, bestaan nie. 3En alles wat bestaan, bestaan soos Hy dit geskep het. 4Die wêreld wat jy sien, het niks met die werklikheid te maak nie. 5Dit is jou eie maaksel en dit bestaan nie.

2. Vandag se oefeninge moet deurgaans met geslote oë gedoen word. 2Die tydperk waarin jy jou geestesdenke ondersoek, behoort kort te wees, hoogstens ’n minuut. 3Moenie meer as drie oefenperiodes met vandag se idee hou nie, tensy jy hulle gemaklik vind. 4Indien wel, sal dit wees omdat jy werklik begryp waartoe hulle dien.

3. Vandag se idee is ’n verdere stap om te leer om die gedagtes wat jy op die wêreld geskryf het, te laat vaar en in hulle plek die Woord van God te sien. 2Die eerste stappe in hierdie omruiling, wat in werklikheid verlossing genoem kan word, mag redelik moeilik en selfs behoorlik pynlik wees. 3Sommiges sal jou prontuit vreesbevange maak. 4Maar jy sal nie daar gelos word nie. 5Jy sal ver daarby verbygaan. 6Ons pad lei na volmaakte veiligheid en volmaakte vrede.

4. Dink met geslote oë aan al die afgryslikhede in die wêreld wat jou geestesdenke te binne skiet. 2Noem elkeen by die naam soos dit by jou opkom, en ontken dan die werklikheid daarvan. 3God het dit nie geskep nie, en dus is dit nie werklik nie. 4Sê byvoorbeeld:

              5God het nie daardie oorlog geskep nie, en dit is dus nie werklik nie.

              6God het nie daardie vliegtuigongeluk geskep nie, en dus is dit nie werklik nie.

            7God het nie daardie ramp (spesifiseer) geskep nie, en dit is dus nie werklik nie.

5. Geskikte onderwerpe vir die toepassing van vandag se idee sluit ook enigiets in wat jy bang is met jou mag gebeur, of met enigeen oor wie jy besorgd is. 2Die “ramp” moet in elke geval spesifiek omskryf word. 3Moenie algemene terme gebruik nie. 4Moet byvoorbeeld nie sê: “God het nie siekte geskep nie,” maar: “God het nie kanker geskep nie,” of hartaanvalle, of wat ook al vrees by jou ontlok.

6. Dit is jou persoonlike repertoire van afgryslikhede waarna jy kyk. 2Hierdie dinge is deel van die wêreld wat jy sien. 3Sommige daarvan is gemeenskaplike illusies, en ander is deel van jou persoonlike hel. 4Dit maak nie saak nie. 5Wat God nie geskep het nie, kan slegs in jou eie geestesdenke, apart van Syne, bestaan. 6Daarom het dit geen betekenis nie. 7Sluit, ter erkenning van hierdie feit, die oefenperiodes af met ’n herhaling van vandag se idee:

              8God het nie ’n betekenislose wêreld geskep nie.

7. Vandag se idee kan natuurlik op enigiets toegepas word wat, buite die oefenperiodes, jou gedurende die dag ontstel. 2Wees baie spesifiek in die toepassing daarvan. 3Sê:

4God het nie ’n betekenislose wêreld geskep nie. 5Hy het nie (spesifiseer die situasie wat jou ontstel) geskep nie en dit is dus nie werklik nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 14: God did not create a meaningless world. (ACIM, W-14)

Les 13 – ’n Betekenislose wêreld veroorsaak vrees.

Julie 28, 2025 /

1. Vandag se idee is in werklikheid net ’n ander vorm van die vorige een, behalwe dat dit meer spesifiek is oor die emosie wat opgewek word. 2’n Betekenislose wêreld is eintlik onmoontlik. 3Daar bestaan niks sonder betekenis nie. 4Dit beteken egter nie dat jy nie sal dink dat jy iets waarneem wat nie betekenis het nie. 5Jy sal, inteendeel, hoogswaarskynlik dink dat jy dit wel waarneem.

2. Die herkenning van betekenisloosheid ontlok intense angs in alle geskeide mense. 2Dit verteenwoordig ’n situasie waar God en die ego mekaar “uitdaag” oor wie se betekenis in die oop spasie geskryf moet word wat die betekenisloosheid veroorsaak. 3Die ego storm rasend in om ten alle koste sy eie idees daar neer te plak, bang dat die leegte andersins gebruik sal word om sy eie onvermoë en onwerklikheid te bewys. 4En slegs in hierdie opsig is hy korrek.

3. Dit is daarom noodsaaklik dat jy leer om die betekenislose te herken en sonder vrees te aanvaar. 2As jy bang is, sal jy sekerlik eienskappe aan die wêreld toeken waaroor dit nie beskik nie en dit met beelde en voorstellings vul wat nie bestaan nie. 3Vir die ego is illusies veiligheidsmaatreëls, soos hulle heelwaarskynlik vir jou ook sal wees wat jouself met die ego gelykstel.

4 Vandag se oefeninge wat ongeveer drie of vier keer gedoen moet word vir nie langer as ’n minuut of wat op ’n keer nie, moet op ’n ietwat ander manier as die voriges toegepas word. 2Herhaal vandag se idee vir jouself met geslote oë. 3Maak dan jou oë oop, kyk stadig om jou heen terwyl jy sê:

              4Ek kyk na ’n betekenislose wêreld.

5Herhaal hierdie stelling vir jouself soos jy rondkyk. 6Maak dan jou oë toe en sluit af met:

              7’n Betekenislose wêreld veroorsaak vrees, omdat ek dink dat ek met God             meeding .

5. Jy mag dit moeilik vind om nie weerstand van een of ander aard op hierdie laaste uitspraak te ervaar nie. 2Ongeag watter vorm hierdie weerstand ook al mag aanneem, moet jy jouself daaraan herinner dat jy in werklikheid vir so ’n gedagte bang is vanweë die “wraak” van die “vyand.” 3Daar word nie van jou verwag om die uitspraak op hierdie stadium te glo nie, en jy sal dit heelwaarskynlik as absurd van die hand wys. 4Let egter versigtig op enige tekens van verbloemde of onverbloemde vrese wat dit mag opwek.

6. Dit is ons eerste poging tot die uitspreek van ’n eksplisiete oorsaak-en-gevolgverhouding, en wel van ’n soort wat jy nog uiters moeilik vind om te herken. 2Moenie stilstaan by die slotuitspraak nie, en probeer om nie eers daaraan te dink nie, behalwe tydens die oefenperiodes. 3Dit sal op hierdie stadium voldoende wees.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 13: A meaningless world engenders fear. (ACIM, W-13)

Les 12 – Ek voel ontsteld omdat ek ’n betekenislose wêreld sien.

Julie 27, 2025 /

1. Die belangrikheid van hierdie idee lê in die feit dat dit ’n korreksie bevat van ’n belangrike verdraaiing in jou persepsie. 2Jy dink dat dit ’n vreesaanjaende wêreld is wat jou ontstel, of ’n treurige wêreld, of ’n gewelddadige wêreld, of ’n kranksinnige wêreld. 3Jy het al hierdie eienskappe daaraan toegeken. 4Die wêreld is op sigself egter sonder betekenis.

2. Hierdie oefeninge word met oop oë gedoen. 2Kyk om jou heen, hierdie keer taamlik stadig. 3Probeer ’n tempo vind wat jou blik in ’n rustige en reëlmatige ritme van een ding na ’n ander kan laat gly. 4Moenie dat die tydsduur van die verskuiwing merkbaar langer of korter word nie, maar probeer liewer om deurlopend ’n afgemete gelykmatige tempo te handhaaf. 5Wat jy sien, maak nie saak nie. 6Dit leer jy jouself wanneer jy aan alles waarop jou blik ook al mag rus ewe veel aandag en ewe veel tyd gee. 7Dit is ’n eerste tree om te leer om aan alles gelyke waarde toe te ken.

3. Sê vir jouself, soos jy om jou rondkyk:

            2Ek dink ek sien ’n angswekkende wêreld, ’n gevaarlike wêreld, ’n vyandige wêreld,             ’n treurige wêreld, ’n bose wêreld, ’n mal wêreld,

ensovoorts, deur enige beskrywende terme te gebruik wat by jou mag opkom. 3As daar terme by jou opkom wat eerder positief as negatief lyk, sluit hulle in. 4Jy sou byvoorbeeld kon dink aan “’n goeie wêreld,” of “’n bevredigende wêreld.” 5As sulke terme by jou opkom, gebruik hulle saam met die res. 6Jy mag miskien nog nie begryp waarom hierdie “aangename” byvoeglike naamwoorde in hierdie oefeninge tuishoort nie, maar onthou dat ’n “goeie wêreld” ’n “slegte” een impliseer, en ’n “bevredigende wêreld” ’n “onbevredigende” een. 7Alle terme wat in jou geestesdenke opkom, is geskik as onderwerp vir vandag se oefeninge. 8Hulle oënskynlike kwaliteit maak nie saak nie.

4. Maak seker dat jy nie die tydsduur varieer wanneer jy vandag se idee toepas op wat jy dink aangenaam en wat jy dink onaangenaam is nie. 2Vir die doel van hierdie oefeninge is daar geen verskille tussen hulle nie. 3Voeg aan die einde van die oefenperiode by:

              4Maar ek voel ontsteld omdat ek ’n betekenislose wêreld sien.

5. Wat betekenisloos is, is nie goed of sleg nie. 2Waarom sou ’n betekenislose wêreld jou dan ontstel? 3As jy die wêreld as betekenisloos sou kon aanvaar en toelaat dat die waarheid vir jou daarop geskrywe word, sou dit jou onbeskryflik gelukkig maak. 4Maar juis omdat dit betekenisloos is, voel jy genoodsaak om daarop te skryf wat jy wil hê dit moet wees. 5En dít is wat jy daarin sien. 6En dít is wat in waarheid geen betekenis het nie. 7Onder jou woorde staan die Woord van God geskrywe. 8Die waarheid ontstel jou nou, maar wanneer jou woorde uitgevee is, sal jy Syne sien. 9Dit is die uiteindelike doel van hierdie oefeninge.

6. Dit is genoeg om die idee vandag drie of vier keer te oefen. 2Die oefenperiodes moet ook nie langer as ’n minuut duur nie. 3Selfs dit mag jy te lank vind. 4Staak die oefeninge sodra jy ’n gevoel van spanning ervaar.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 12: I am upset because I see a meaningless world. (ACIM, W-12)

Les 11 – My betekenislose gedagtes laat my ’n betekenislose wêreld sien.

Julie 26, 2025 /

1. Hierdie is die eerste idee wat aangebied word in direkte verband met een van die belangrikste fases in die korreksieproses: die omkering van die denke van die wêreld. 2Dit lyk asof die wêreld bepaal wat jy waarneem. 3Vandag se idee stel die konsep bekend dat jou gedagtes die wêreld wat jy sien, bepaal. 4Wees trouens bly dat jy die idee in sy basiese vorm kan toepas, want in hierdie idee is jou bevryding verseker. 5Die sleutel tot vergifnis is hierin geleë.

2. Die oefenperiodes vir vandag se idee moet ietwat anders as die voriges aangepak word. 2Begin met geslote oë en herhaal die idee stadig vir jouself. 3Maak dan jou oë oop en kyk rond, naby en ver, op en af, – oral om jou. 4Herhaal dit bloot vir jouself die minuut of meer wat bestee moet word om die idee te gebruik, maar maak seker dat jy dit nie oorhaastig en met enige gevoel van dringendheid of moeite doen nie.

3. Om die grootste hoeveelheid voordeel uit die oefeninge te trek, moet die oë redelik vinnig van een ding na ’n ander beweeg omdat hulle nie op enigiets spesifiek moet bly rus nie. 2Die woorde moet egter op ’n kalm, selfs ontspanne manier gebruik word. 3Die inleiding tot hierdie idee moet veral so gemaklik moontlik gedoen word. 4Dit vorm die grondslag van die vrede, ontspanning en onbesorgdheid wat ons poog om te bereik. 5Sluit aan die einde van die oefeninge jou oë en herhaal die idee nog ’n keer stadig vir jouself.

4. Drie oefenperiodes sal vandag heelwaarskynlik voldoende wees. 2Maar as daar min of geen ongemak is nie, en jy voel om meer te doen, kan soveel as vyf aangepak word. 3Meer word nie aanbeveel nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 11: My meaningless thoughts are showing me a meaningless world. (ACIM, W-11)

Les 10 – My gedagtes beteken niks nie.

Julie 25, 2025 /

1. Hierdie idee is van toepassing op al die gedagtes waarvan jy bewus is, of bewus van word tydens die oefenperiodes. 2Die rede waarom die idee op hulle almal van toepassing is, is dat hulle nie jou werklike gedagtes is nie. 3Ons het al voorheen hierdie onderskeid gemaak, en sal dit weer doen. 4Jy het tot nog toe nog nie ’n basis vir vergelyking nie. 5Sodra jy het, sal jy geen twyfel daaroor hê dat wat jy eers geglo het jou gedagtes was, niks beteken het nie.

2. Dit is die tweede keer dat ons hierdie soort idee gebruik. 2Die vorm alleen is ’n bietjie anders. 3Hierdie keer word die idee begin met “My gedagtes” in plaas van “Hierdie gedagtes”, en word nie uiterlik en by name verbind met die dinge rondom jou nie. 4Die klem is nou op die gebrek aan werklikheid van wat jy dink jy dink.

3. Hierdie aspek van die korreksieproses het begin met die idee dat die gedagtes waarvan jy bewus is, betekenisloos is, en eerder buite jou as binne jou was; en daarna is beklemtoon dat hulle status in die verlede gelê het eerder as in die hede. 2Nou beklemtoon ons dat die teenwoordigheid van hierdie “gedagtes” juis beteken dat jy nie dink nie. 3Dit is bloot ’n ander manier om ons vorige stelling te herhaal dat jou geestesdenke in werklikheid leeg is. 4Om dit te erken, beteken om te erken dat jy niks sien nie, as jy dink dat jy dit sien. 5As sodanig is hierdie erkenning die voorwaarde vir visie.

4. Sluit jou oë vir hierdie oefeninge, en begin hulle deur vandag se idee redelik stadig vir jouself te herhaal. 2Voeg dan by:

              3Hierdie idee sal help om my te bevry van alles wat ek nou glo.

4Die oefeninge bestaan, soos voorheen, daaruit om jou geestesdenke te ondersoek vir alle gedagtes wat daar beskikbaar is, sonder om te kies of te oordeel. 5Probeer om enige soort indelings te vermy. 6As dit jou sou help, kon jy jou trouens voorstel dat jy ’n eienaardig saamgestelde optog sien verbybeweeg wat vir jou min of geen persoonlike betekenis het nie. 7En soos elke gedagte deur jou geestesdenke gaan, sê jy:

              8My gedagte oor __________ beteken niks nie.

              9My gedagte oor __________ beteken niks nie.

5. Vandag se idee kan vanselfsprekend nuttig wees vir enige gedagtes wat jou op ’n gegewe tydstip kwel. 2Vyf oefenperiodes word bykomend aanbeveel, nie een langer as ongeveer ’n minuut se ondersoek van die geestesdenke nie. 3Dit word nie aanbeveel dat hierdie tydsduur oorskry word nie, en dit moet na ’n halwe minuut of korter verminder word as jy ongemak ervaar. 4Onthou egter om die idee stadig te herhaal voordat dit spesifiek toegepas word, en ook om by te voeg:

            5Hierdie idee sal help om my te bevry van alles wat ek nou glo.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 10: My thoughts do not mean anything. (ACIM, W-10)

Les 9 – Ek sien niks soos dit nou is nie.

Julie 24, 2025 /

1. Hierdie idee volg baie duidelik uit die twee voriges. 2Maar alhoewel jy dit miskien intellektueel kan aanvaar, is dit onwaarskynlik dat dit nou al iets vir jou sal beteken. 3Begrip is egter nie op die oomblik nodig nie. 4In werklikheid is die erkenning dat jy nie begryp nie ’n voorvereiste om jou vals idees ongedaan te maak. 5Dit gaan in hierdie oefeninge oor beoefening, nie oor begrip nie. 6Jy hoef nie te oefen wat jy alreeds begryp nie. 7Jy sou trouens heel onlogies wees as jy sou mik na begrip, en terselfdertyd aanneem dat jy reeds daaroor beskik.

2. Dit is moeilik vir ongeoefende geestesdenke om te glo dat dit wat hy hom dan so duidelik verbeel, nie daar is nie. 2Hierdie idee kan nogal verontrustend wees en hewige weerstand ondervind, in velerlei vorm. 3Maar dit belet nie die toepassing daarvan nie. 4Niks meer word dan ook gevra van hierdie of enige ander oefeninge nie. 5Elke klein stappie sal ’n bietjie van die duisternis uit die weg ruim, en begrip sal uiteindelik elke hoekie in die geestesdenke, wat skoongemaak is van die puin wat dit verdonker het, kom verlig.

3. Hierdie oefeninge waarvoor drie of vier oefenperiodes voldoende is, behels om rondom jou te kyk en vandag se idee toe te pas op wat jy ook al sien, gedagtig aan die behoefte om dit willekeurig toe te pas, asook die noodsaaklike reël om niks opsetlik uit te sluit nie. 2Byvoorbeeld:

              3Ek sien nie hierdie tikmasjien soos dit nou is nie.

              4Ek sien nie hierdie telefoon soos dit nou is nie.

              5Ek sien nie hierdie arm soos dit nou is nie.

4. Begin met dinge wat naaste aan jou is, en verbreed dan jou veld na buite:

            2Ek sien nie daardie kapstok soos dit nou is nie.

              3Ek sien nie daardie deur soos dit nou is nie.

              4Ek sien nie daardie gesig soos dit nou is nie.

5. Dit word weer beklemtoon dat, alhoewel daar nie gepoog moet word om alles in te sluit nie, dit vermy moet word om iets opsetlik uit te sluit. 2Sorg dat jy eerlik met jouself is wanneer jy hierdie onderskeiding maak. 3Jy mag in die versoeking gestel word om dit te verdoesel.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 9: I see nothing as it is now. (ACIM, W-9)

Les 8 – My geestesdenke is behep met gedagtes uit die verlede.

Julie 23, 2025 /

1. Hierdie idee is natuurlik die rede waarom jy slegs die verlede sien. 2Niemand sien werklik iets nie. 3Hy sien maar net sy gedagtes wat na buite geprojekteer word. 4Die geestesdenke se beheptheid met die verlede is die oorsaak van die verkeerde opvatting oor tyd waaronder jou waarneming ly. 5Jou geestesdenke kan nie die hede wat die enigste tyd wat daar is, begryp nie. 6Dit kan daarom nie tyd begryp nie, en kan in werklikheid niks begryp nie.

2. Die enigste volkome ware gedagte wat ’n mens oor die verlede kan hê, is dat dit nie hier is nie. 2Om dus hoegenaamd daaroor te dink, is om oor illusies te dink. 3Baie min mense besef wat dit nou eintlik behels of selfs beteken om ’n prentjie te vorm van die verlede of om die toekoms te antisipeer. 4Wanneer die geestesdenke dit doen, is dit in werklikheid leeg, want dit dink nie wesenlik oor iets nie.

3. Die doel met vandag se oefeninge is om te begin om jou geestesdenke te oefen om te sien wanneer dit in werklikheid glad nie dink nie. 2Solank gedagtelose idees jou geestesdenke in beslag neem, word die waarheid geblokkeer. 3Die eerste stap om die pad na visie te open, is die erkenning dat jou geestesdenke tot dusver bloot leeg was, eerder as om te bly glo dat dit met regte idees gevul is.

4. Vandag se oefeninge moet met geslote oë gedoen word. 2Dit is omdat jy in werklikheid niks kan sien nie en dit so makliker is om in te sien dat, ongeag van hoe duidelik jy jou ook al ’n gedagte mag voorstel, jy in der waarheid niks sien nie. 3Ondersoek jou geestesdenke vir die gewone minuut lank, maar met so min as moontlike insette van jou kant, en let bloot op die gedagtes wat jy daar vind. 4Benoem elkeen volgens die sentrale figuur of tema wat daarin voorkom, en gaan oor na die volgende een. 5Begin die oefenperiode deur te sê:

              6Dit lyk of ek dink aan __________.

5. Benoem dan elke gedagte spesifiek, byvoorbeeld:

2Dit lyk of ek dink aan (naam van persoon), aan (naam van ’n objek), aan (naam van ’n emosie),

ensovoorts, en sluit dan die tyd van ondersoek van jou geestesdenke ten slotte af met:

            3Maar my geestesdenke is behep met gedagtes uit die verlede.

6. Dit kan vier of vyf keer gedurende die dag gedoen word, tensy jy dit irriterend vind. 2As jy dit veeleisend vind, is drie of vier keer voldoende. 3Jy mag dit egter nuttig vind om jou irritasie, of enige emosie wat vandag se idee moontlik veroorsaak, in te sluit by hierdie ondersoek van jou geestesdenke.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 8: My mind is preoccupied with past thoughts. (ACIM, W-8)

Les 7 – Ek sien slegs die verlede.

Julie 22, 2025 /

1. Dit is van meet af aan baie moeilik om hierdie idee te glo. 2Nogtans vorm dit die grondslag vir al die voriges.

3Dit is die rede waarom niks wat jy sien enigiets beteken nie.

4Dit is die rede waarom jy aan alles wat jy sien, alle betekenis gegee het wat dit vir jou het.

                              5Dit is die rede waarom jy niks begryp wat jy sien nie.

6Dit is die rede waarom jou gedagtes niks beteken nie en waarom hulle net soos die dinge wat jy sien, is.

7Dit is die rede waarom jy nooit ontsteld is om die rede wat jy dink nie.

8Dit is die rede waarom jy ontsteld is omdat jy iets sien wat nie daar is nie.

2. Ou idees oor tyd is baie moeilik om te verander omdat alles wat jy glo in tyd gewortel is en daarop staatmaak dat jy nie hierdie nuwe idees daaroor kan aanleer nie. 2Dit is egter presies waarom jy nuwe idees oor tyd benodig. 3Hierdie eerste tyd-idee is nie werklik so vreemd as wat dit in die begin mag klink nie.

3. Kyk byvoorbeeld na ’n koppie. 2Sien jy ’n koppie, of kyk jy bloot terug op jou vorige ervarings om ’n koppie op te tel, dors te wees, uit die koppie te drink, die rand teen jou lippe te voel, ontbyt te nuttig, ensovoorts? 3Is jou estetiese reaksies op die koppie nie ook op vorige ervarings gebaseer nie? 4Hoe anders sou jy weet of hierdie soort koppie sal breek as jy hom laat val of nie? 5Wat weet jy anders van hierdie koppie, behalwe wat jy in die verlede geleer het? 6Jy sou geen idee gehad het oor wat hierdie koppie is, as jy dit nie in die verlede geleer het nie. 7Sien jy dit dan werklik?

4. Kyk om jou heen. 2Dit is ewe waar vir alles waarna jy kyk. 3Gee erkenning daaraan deur vandag se idee sonder onderskeid toe te pas op enigiets wat jou oog vang. 4Byvoorbeeld:

            5Ek sien slegs die verlede in hierdie potlood.

              6Ek sien slegs die verlede in hierdie skoen.

              7Ek sien slegs die verlede in hierdie hand.

              8Ek sien slegs die verlede in daardie liggaam.

              9Ek sien slegs die verlede in daardie gesig.

5. Moenie by enigiets in die besonder stilstaan nie, maar onthou om niks opsetlik weg te laat nie. 2Kyk vlugtig na elke voorwerp en gaan dan voort na die volgende een. 3Drie of vier oefenperiodes wat elk ’n minuut of wat duur, sal genoeg wees.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 7: I see only the past. (ACIM, W-7)

« Older posts Newer posts »

Vrywaring / Disclaimer: Hierdie Afrikaanse weergawe is my interpretasie van A Course in Miracles, wat my diep geïnspireer het. Ek het die Kursus in Engels bestudeer en het daarna verlang om my ervaring en insigte in my moedertaal, Afrikaans, te deel. Die werkboek-lesse en terme op hierdie webwerf is vertaal deur Henri Theron. Vir die volledige vertaalde Afrikaanse weergawe van A Course in Miracles, is jy welkom om in aanraking te kom met Henri by: (www.nkiw.org).

Oorspronklik gepubliseer deur die Foundation for Inner Peace in 1975, soos gelei deur Dr. Helen Schucman en mede-skrywer Dr. William Thetford.
Met hul goedkeuring het die Foundation for A Course in Miracles die onderrig-vertakking van die Kursus geword. Albei organisasies het deur die jare getrou gevolg hoe Helen wou hê haar manuskrip hanteer moes word.
As ’n universele, self-studie geestelike leerpad, leer die Kursus ’n unieke vorm van vergifnis—om die hindernisse in die denkgees te verwyder en die blywende teenwoordigheid van liefde te ontdek.

Hierdie webwerf word nie vir geldelike gewin of donasies aangebied nie. Ek doen dit bloot uit liefde en oortuiging, omdat ek glo dat hierdie Kursus 'n kragtige waarheid bevat wat met almal gedeel moet word. Dit is my hart se behoefte om hierdie Kursus bekend te stel aan enigiemand wat daarmee wil werk. Sê hello, stuur vir my 'n e-pos by: (marnus@hemelbewus.org).

Sluit aan by ons e-poslys

All quotes are from A Course in Miracles, Third Edition.
Copyright © 2007 by the Foundation for Inner Peace, copyright holder and publisher.
448 Ignacio Blvd., #306, Novato, CA 94949, acim.org, used with permission.

© 2026 Hemelbewus

Patternstorm Designs