1. Hierdie idee kan, soos die vorige een, gebruik word ten opsigte van enige persoon, situasie of gebeurtenis wat jy dink jou pyn veroorsaak. 2Pas dit spesifiek toe op wat jy ook al glo die oorsaak van jou ontsteltenis is, en gebruik die beskrywing van die gevoel op enige wyse wat vir jou reg lyk. 3Die ontsteltenis mag voorkom as vrees, bekommernis, depressie, angs, woede, haat, jaloesie of etlike ander vorme, wat jy almal as verskillend sal waarneem. 4Dit is nie waar nie. 5Voordat jy egter geleer het dat die vorm nie saak maak nie, is elke vorm ’n geskikte onderwerp vir vandag se oefeninge. 6Die toepassing van dieselfde idee op elkeen afsonderlik is die eerste stap na die uiteindelike erkenning dat hulle almal dieselfde is.
2. Wanneer jy vandag se idee gebruik vir die oorsaak van ’n ontsteltenis, in enige vorm wat jy waargeneem het, gebruik dan sowel die naam van die vorm waarin jy die ontsteltenis sien, asook die oorsaak wat jy daaraan toeskryf. 2Byvoorbeeld:
3Ek is nie kwaad vir __________ om die redes wat ek dink nie.
4Ek is nie bang vir __________ om die redes wat ek dink nie.
3. Maar weereens, dit moet nie vervang word met oefenperiodes waartydens jy jou geestesdenke eers ondersoek vir, wat jy glo, die “oorsake” van jou ontsteltenis is nie, en die vorms van ontsteltenis wat jy dink daaruit voortvloei nie.
4. Jy mag dit in hierdie oefeninge, meer as in voriges, moeilik vind om nie te diskrimineer nie, en te verhoed om aan sommige onderwerpe meer gewig toe te ken as aan ander. 2Dit kan help om die oefeninge met die volgende stelling vooraf te gaan:
3Daar is geen klein vorme van ontsteltenis nie. 4Hulle is almal ewe steurend vir my innerlike vrede.
5. Ondersoek dan jou geestesdenke vir wat jou ook al bekommer, ongeag hoeveel of hoe min jy dink dit jou bekommer.
6. Jy mag ook vind dat jy minder gewillig is om vandag se idee toe te pas op sekere vermeende oorsake van ontsteltenis as op ander. 2As dit gebeur, dink eers hieraan:
3Ek kan nie hierdie vorm van ontsteltenis behou en die ander laat gaan nie. 4Vir die doel van hierdie oefeninge sal ek hulle dus almal as dieselfde beskou.
7. Ondersoek jou geestesdenke dan vir nie langer as ongeveer ’n minuut nie, en probeer om ’n aantal verskillende vorms van ontsteltenis wat jou bekommer, te identifiseer, ongeag die relatiewe belangrikheid wat jy miskien aan hulle toeken. 2Pas vandag se idee op elkeen van hulle toe deur beide die naam van die bron van ontsteltenis te noem, soos jy dit sien, asook die gevoel, soos jy dit ervaar. 3Verdere voorbeelde is:
4Ek is nie bekommerd oor _________ om die redes wat ek dink nie.
5Ek is nie depressief oor __________om die redes wat ek dink nie.
6Drie of vier keer gedurende die dag is genoeg.
✨ Geïnspireer deur die kernboodskap van die Kursus:
“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”
Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.
📚 Lees meer oor die Kursus: www.acim.org
Lesson 5: I am never upset for the reason I think. (ACIM, W-5)
