Etiket: Kursus in Wonderwerke (Page 1 of 2)

Les 72 – Om griewe te koester, is ’n aanval op God se plan vir verlossing.

Augustus 1, 2026 /

1. Hoewel ons vasgestel het dat die ego se verlossingsplan die teenoorgestelde van God se verlossingsplan is, het ons nog nie beklemtoon dat dit ’n aktiewe aanval op Sy plan, en ’n doelbewuste poging om dit te vernietig, is nie. 2In die aanval word aan God eienskappe toegeken wat eintlik met die ego geassosieer word, terwyl die ego skyn om God se eienskappe aan te neem.

2. Die ego se fundamentele wens is om God se plek in te neem. 2Die ego is in werklikheid die fisiese beliggaming van daardie wens. 3Want dit is daardie wens wat lyk asof dit die geestesdenke met ’n liggaam beklee, wat dit apart en alleen hou, en nie in staat stel om ander se geestesdenke te bereik nie, behalwe deur die liggaam wat gemaak was om dit gevange te hou. 4Die beperking op kommunikasie kan nie die beste metode wees om kommunikasie uit te brei nie. 5Nogtans sal die ego jou wysmaak dat dit so is.

3. Al sou die pogings om die beperkings te handhaaf wat ’n liggaam probeer voorskryf hier glashelder wees, is dit miskien nie so duidelik waarom die koestering van griewe ’n aanval op God se plan vir verlossing is nie. 2Maar laat ons dan die soort dinge waaroor jy geneig is om griewe te koester, in oorweging neem. 3Word hulle nie altyd geassosieer met iets wat ’n liggaam doen nie? 4’n Persoon sê iets waarvan jy nie hou nie. 5Hy doen iets waarvan jy nie hou nie. 6Hy “verraai” sy vyandige gedagtes deur sy gedrag.

4. Dit gaan vir jou hier glad nie oor wat die persoon is nie. 2Inteendeel, jy is uitsluitlik besorgd oor wat hy in ’n liggaam doen. 3Jy doen alles behalwe om hom te help om hom van die liggaam se beperkinge te bevry. 4Jy is aktief besig om hom daaraan te bind deur hom daarmee te verwar, en deur hulle oor een kam te skeer. 5Hiermee word God aangeval, want as Sy Seun slegs ’n liggaam is, moet Hy ook so wees. 6’n Skepper wat heeltemal anders as sy skepping is, is ondenkbaar.

5. As God ’n liggaam is, wat moet Sy plan vir verlossing dan wees? 2Wat kan dit anders as die dood wees? 3Deur Homself te probeer voorstel as die Outeur van lewe en nie van dood nie, is Hy ’n leuenaar en bedrieër vol valse beloftes, wat illusies in plaas van die waarheid aanbied. 4Die liggaam se oënskynlike werklikheid maak hierdie siening van God heel oortuigend. 5Om die waarheid te sê, as die liggaam werklik sou wees, sou dit inderdaad moeilik wees om hierdie gevolgtrekking vry te spring. 6En elke grief wat jy koester, is ’n dwingende beklemtoning dat die liggaam werklik is. 7Dit ignoreer geheel en al wat jou broer is. 8Dit versterk jou geloof dat hy ’n liggaam is, en jy veroordeel hom daarvoor. 9Dit voer aan dat sy verlossing die dood moet wees, en projekteer hierdie aanval op God, en hou Hom daarvoor verantwoordelik.

6. Na hierdie goed voorbereide arena, waar kwaai diere hul prooi soek en geen genade geduld word nie, kom die ego nou om jou te red. 2God het jou ’n liggaam gemaak. 3Baie goed. 4Laat ons dit aanvaar en bly wees. 5Moenie jouself, as ’n liggaam, laat ontneem van wat die liggaam te bied het nie. 6Vat die bietjie wat jy kan kry. 7God het jou niks gegee nie. 8Die liggaam is jou enigste verlosser. 9Hy is God se dood en jou verlossing.

7. Dit is die universele geloof van die wêreld wat jy sien. 2Sommiges haat die liggaam en probeer hom seermaak en verneder. 3Ander het weer die liggaam lief, en probeer om hom te verheerlik en op te hemel. 4Maar solank die liggaam sentraal staan in jou konsep van jouself, is jy besig om God se plan vir verlossing aan te val en koester jy griewe teen Hom en Sy skepping, sodat jy nie die Stem van die waarheid kan hoor en Hom as Vriend kan verwelkom nie. 5Jou uitverkore verlosser het Sy plek ingeneem. 6Dit is jou vriend; Hy is jou vyand.

8. Ons sal vandag probeer om hierdie sinlose aanvalle op verlossing te staak. 2Ons sal in plaas daarvan probeer om verlossing te verwelkom. 3Jou onderstebo persepsie het die innerlike vrede geruïneer. 4Jy het jouself in ’n liggaam gesien, en die waarheid buite jou, uitgesluit van jou bewussyn deur die beperkinge van die liggaam. 5Nou gaan ons probeer om dit anders te sien.

9. Die lig van die waarheid is in ons, waar dit deur God geplaas was. 2Dit is die liggaam wat buite ons is, en wat nie van belang is nie. 3Om sonder ’n liggaam te wees, beteken om in ons natuurlike staat te wees. 4Om die lig van die waarheid in ons te herken, is om onsself soos ons is, te herken. 5Om ons Self as los van die liggaam te sien, beteken om die aanval op God se plan vir verlossing te staak en dit in plaas daarvan te aanvaar. 6En waar Sy plan ook al aanvaar word, is dit reeds volbring.

10. Ons doel tydens die langer oefenperiodes vandag is om daarvan bewus te word dat God se plan vir verlossing alreeds in ons volbring is. 2Om hierdie doel te bereik, moet ons aanval vervang met aanvaarding. 3Solank ons dit aanval, kan ons nie begryp wat God se plan vir ons is nie. 4Ons val dus aan wat ons nie herken nie. 5Nou gaan ons probeer om weg te doen met oordeel, en te vra wat God se plan vir ons is:

              6Wat is verlossing, Vader? 7Ek weet nie. 8Sê vir my, sodat ek kan begryp.

9Dan sal ons in stilte op Sy antwoord wag. 10Ons het God se plan vir verlossing aangeval sonder om te wag en te hoor wat dit is. 11Ons het ons griewe so hard uitgeskreeu dat ons nie na Sy stem geluister het nie. 12Ons het ons griewe gebruik om ons oë te sluit en ore toe te stop.

11. Nou sal ons sien en hoor en leer. 2“Wat is verlossing, Vader?” 3Vra en jy sal antwoord gegee word. 4Soek en jy sal vind. 5Ons vra nie meer die ego wat verlossing is nie en waar om dit te vind nie. 6Ons vra dit van die waarheid. 7Wees dus verseker dat die antwoord waar sal wees, op grond van Wie jy vra.

12. Elke keer as jy voel dat jou vertroue afneem en jou hoop op sukses kwyn en sterf, herhaal jou vraag en jou versoek, en onthou dat jy nou ’n vraag stel aan die oneindige Skepper van oneindigheid, Wat jou soos Homself geskep het:

              2Wat is verlossing, Vader? 3Ek weet nie. 4Sê vir my, sodat ek kan begryp.

5Hy sal antwoord. 6Wees vasbeslote om te hoor.

13. Een of miskien twee korter oefenperiodes elke uur sal vandag genoeg wees, omdat hulle ietwat langer as gewoonlik sal wees. 2Hierdie oefeninge moet begin met:

3Om griewe te koester, is ’n aanval op God se plan vir verlossing. 4Laat ek dit in plaas van griewe aanvaar. 5Wat is verlossing, Vader?

6Bly dan min of meer ’n minuut in stilte, verkieslik met geslote oë, en luister en wag op Sy antwoord.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 72: Holding grievances is an attack on God’s plan for salvation. (ACIM, W-72)

Les 44 – God is die lig waarin ek sien.

Augustus 28, 2025 /

1. Vandag gaan ons voort met gister se idee deur ’n ander dimensie daaraan toe te voeg. 2Jy kan nie in die duisternis sien nie, en jy kan nie lig maak nie. 3Jy kan duisternis maak en dan dink dat jy daarin sien, maar lig weerspieël lewe en is dus ’n aspek van die skepping. 4Skepping en duisternis kan nie saambestaan nie, maar lig en lewe moet saamgaan, omdat hulle slegs verskillende aspekte van die skepping is.

2. Om te kan sien, moet jy besef dat lig in jou is, nie buite nie. 2Jy sien nie buite jouself nie, en ook is die toerusting om buite jou te sien nie daar nie. 3’n Noodsaaklike deel van hierdie toerusting is die lig wat sien moontlik maak. 4Dit is altyd met jou en by jou en maak visie onder alle omstandighede moontlik.

3. Vandag gaan ons probeer om daardie lig te bereik. 2Vir hierdie doel gaan ons ’n soort oefening gebruik wat al voorheen aangeraai is en wat ons steeds meer gaan aanwend. 3Dit is ’n besonder moeilike vorm vir die ongedissiplineerde geestesdenke, en verteenwoordig ’n hoofdoel van die opleiding van die geestesdenke. 4Dit vereis presies wat die ongeoefende geestesdenke mis. 5Tog moet hierdie oefening uitgevoer word as jy wil sien.

4. Neem vandag ten minste drie oefenperiodes van elk drie tot vyf minute lank. 2’n Langer tyd is aan te beveel, maar slegs as jy vind dat die tyd sonder enige spanning verbyglip. 3Die oefenvorm wat ons vandag gebruik is die natuurlikste en maklikste een ter wêreld vir die geoefende geestesdenke, maar lyk na die onnatuurlikste en moeilikste vir die ongeoefende geestesdenke.

5. Jou geestesdenke is nie meer heeltemal ongeoefen nie. 2Jy is sekerlik gereed om die oefenvorm wat ons vandag gaan gebruik, te leer, maar jy mag vind dat jy sterk weerstand ondervind. 3Die rede hiervoor is baie eenvoudig. 4Wanneer jy op hierdie wyse oefen, laat jy alles wat jy nou glo, en al die gedagtes wat jy tot nog toe opgemaak het, agter. 5In der waarheid is dit ’n verlossing uit die hel. 6Tog is dit, gesien deur die oë van die ego, ’n verlies aan identiteit en ’n afdaling hel toe.

6. As jy net so ’n bietjie afstand kan hou van die ego, sal jy geen probleme ondervind om te besef dat sy teenstand en vrese betekenisloos is nie. 2Miskien kan dit jou help om van tyd tot tyd jouself daaraan te herinner dat om die lig te bereik, beteken om uit die duisternis te ontsnap, wat jy ook al andersins mag glo. 3God is die lig waarin jy sien. 4Jy probeer om Hom te bereik.

7. Begin die oefenperiode deur vandag se idee met oop oë te herhaal, en hulle dan stadig toe te maak terwyl die idee nog ’n paar keer herhaal word. 2Probeer dan om as’t ware in jou geestesdenke in te sink, en elke soort steuring en inmenging te laat vaar deur rustig daar verby al dieper in te sink. 3Jou geestesdenke kan nie hierin gekeer word nie, tensy jy dit so verkies. 4Dit volg slegs sy natuurlike koers. 5Probeer om jou verbygaande gedagtes sonder betrokkenheid te observeer, en glip rustig by hulle verby.

8. Alhoewel geen spesifieke benadering vir hierdie soort oefening aanbeveel word nie, is dit nodig dat jy ’n gevoel kry van die belangrikheid van wat jy doen, die onskatbare waarde daarvan vir jou, en ’n bewustheid dat jy iets baie heiligs beproef. 2Verlossing is jou gelukkigste volbrenging. 3Dit is ook al een wat enige betekenis het, want dit is die enigste een wat enige werklike nut hoegenaamd vir jou het.

9. As weerstand van enige aard ontstaan, rus dan lank genoeg sodat jy vandag se idee kan herhaal, terwyl jy jou oë geslote hou, tensy jy van vrees bewus is. 2In laasgenoemde geval sal jy dit heelwaarskynlik meer gerusstellend vind om jou oë vir ’n kort tydjie oop te hou. 3Probeer egter om so gou moontlik weer die oefeninge te hervat met geslote oë.

10. As jy die oefeninge korrek doen, moet jy ’n mate van ontspanning ervaar en selfs ’n gevoel kry dat jy die lig nader, indien nie binnegaan nie. 2Probeer om aan lig te dink, vormloos en grensloos, soos jy by die gedagtes van hierdie wêreld verby beweeg. 3En moenie vergeet dat hulle jou nie aan die wêreld kan vashou nie, tensy jy hulle die mag gee om dit te doen.

11. Herhaal die idee dikwels deur die dag met oop of geslote oë, soos dit vir jou op daardie oomblik die beste lyk. 2Maar moenie dit vergeet nie. 3Wees bowenal vasbeslote om nie vandag te vergeet nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 44: God is the light in which I see. (ACIM, W-44)

Les 33 – Daar is ’n ander manier om na die wêreld te kyk.

Augustus 17, 2025 /

1. Vandag se idee is ’n poging om in te sien dat jy jou persepsie van die wêreld kan verander, in sowel sy uiterlike as sy innerlike aspek. 2’n Volle vyf minute behoort in die oggend en aand aan die toepassing bestee te word. 3Herhaal tydens hierdie oefenperiodes die idee so dikwels as wat jy dit gemaklik vind, alhoewel toepassings sonder gejaagdheid noodsaaklik bly. 4Wissel die ondersoek van jou uiterlike en innerlike persepsies af, maar sonder om die afwisseling as te skielik te ervaar.

2. Kyk bloot ongedwonge rond in die wêreld wat jy as buite jouself waarneem, sluit dan jou oë en ondersoek jou innerlike gedagtes met dieselfde ongedwongenheid. 2Probeer om teenoor beide ewe onbetrokke te bly, en hierdie onbetrokkenheid te behou terwyl jy die idee deur die dag herhaal.

3. Die korter oefenperiodes moet so veelvuldig moontlik wees. 2Spesifieke toepassings van vandag se idee moet ook onmiddellik gemaak word sodra enige situasie ontstaan wat jou in die versoeking bring om ontsteld te raak. 3Sê by sulke toepassings:

              4Daar is ’n ander manier om hierna te kyk.

4. Onthou om vandag se idee toe te pas sodra jy bewus word van ’n kwelling. 2Dit mag nodig wees om ’n minuut of langer stil te sit en die idee verskeie kere vir jouself te herhaal. 3Dit sal tydens hierdie soort toepassings heelwaarskynlik help om jou oë te sluit.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 33: There is another way of looking at the world. (ACIM, W-33)

Les 31 – Ek is nie ’n slagoffer van die wêreld wat ek sien nie.

Augustus 15, 2025 /

1. Vandag se idee is die inleiding tot jou vryheidsverklaring. 2Die idee moet weereens toegepas word op beide die wêreld wat jy buite jou en die wêreld wat jy binne jou sien. 3In die toepassing van hierdie idee sal ons ’n oefenvorm gebruik wat al hoe meer gebruik sal word, met variasies soos aangedui. 4Die vorm behels in die algemeen twee aspekte, een waar jy die idee op ’n meer volgehoue basis toepas, en die ander een wat bestaan uit herhaalde toepassings van die idee deur die dag.

2. Twee langer oefenperiodes word met vandag se idee benodig, een in die oggend en een in die aand. 2Drie tot vyf minute word vir elkeen aanbeveel. 3Kyk gedurende hierdie tye stadig om jou heen terwyl jy die idee twee of drie keer herhaal. 4Sluit dan jou oë, en pas dieselfde idee op jou innerlike wêreld toe. 5Jy sal tegelyk aan beide ontsnap, want die innerlike is die oorsaak van die uiterlike.

3. Soos jy jou innerlike wêreld ondersoek, laat jy eenvoudig alle gedagtes wat deur jou geestesdenke gaan in jou bewussyn toe, deur elkeen vir ’n oomblik in oënskou te neem, en dan deur die volgende een te laat vervang. 2Moenie probeer om enige soort hiërargie onder hulle tot stand te bring nie. 3Kyk so gelykmoedig en onpartydig moontlik hoe hulle kom en gaan. 4Moenie by enigeen in besonder stilstaan nie, maar probeer om die stroom gelykmatig en kalm te laat vloei, sonder enige spesiale insette van jou kant af. 5Soos jy jou gedagtes stil sit en dophou, herhaal vandag se idee vir jouself so dikwels soos wat jy wil, maar sonder enige haas.

4. Herhaal daarnaas ook vandag se idee so dikwels moontlik gedurende die dag. 2Herinner jouself daaraan dat jy besig is om ’n onafhanklikheidsverklaring in die naam van jou eie vryheid te maak. 3En in jou vryheid lê die vryheid van die wêreld.

5. Vandag se idee is ook besonder bruikbaar om te gebruik as antwoord op enige vorm van versoeking wat mag ontstaan. 2Dit is ’n verklaring dat jy nie daaraan sal toegee nie, en jouself nie tot slaaf sal maak nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 31: I am not the victim of the world I see. (ACIM, W-31)

Les 21 – Ek is vasbeslote om dinge anders te sien.

Augustus 5, 2025 /

1. Vandag se idee is vanselfsprekend ’n voortsetting en uitbreiding van die vorige een. 2Hierdie keer is spesifieke tye, buiten en behalwe die toepassing van die idee wanneer spesifieke situasies mag opduik, egter nodig vir die ondersoek van jou geestesdenke. 3Daar word vyf oefenperiodes, van ’n minuut elk, aangeraai.

2. Begin die oefenperiodes deur die idee vir jouself te herhaal. 2Maak dan jou oë toe en soek in jou geestesdenke sorgvuldig na situasies in die verlede, hede of toekoms wat jou kwaad gemaak het. 3Die kwaadwees kan die vorm aanneem van enige reaksie wat wissel van ligte irritasie tot woede. 4Die intensiteit van die emosie wat jy ervaar, maak egter nie saak nie.5Jy sal toenemend daarvan bewus word dat ’n ligte stekie ergernis niks anders as ’n sluier oor intense woede is nie.

3. Probeer dus tydens die oefenperiodes keer dat die “klein” gedagtetjies van kwaadwees nie jou aandag ontsnap nie. 2Onthou dat jy nie werklik dít wat jou kwaad maak, insien nie en dat niks wat jy in hierdie opsig glo enige betekenis het nie. 3Jy sal heelwaarskynlik geneig wees om langer by sommige situasies of persone stil te staan as by ander, op valse grond dat hulle meer “vanselfsprekend” is. 4Dit is nie so nie. 5Dit is bloot ’n voorbeeld van die oortuiging dat sommige vorme van aanval meer geregverdig is as ander.

4. Soos jy jou geestesdenke ondersoek vir al die maniere waarop aanvalsgedagtes hulle voordoen, hou elkeen vas in jou gedagtes terwyl jy vir jouself sê:

              2Ek is vasbeslote om __________ (naam van persoon) anders te sien.

              3Ek is vasbeslote om __________ (spesifiseer die situasie) anders te sien.

5. Probeer om so spesifiek as moontlik te wees. 2Jy mag byvoorbeeld jou gevoel van kwaadwees verkeerdelik op ’n spesifieke eienskap van ’n spesifieke persoon fokus, omdat jy glo dat die kwaadwees tot hierdie aspek beperk is. 3As jou persepsie aan die soort verdraaiings onderworpe is, sê dan:

            4Ek is vasbeslote om ___________ (spesifiseer die eienskap) in __________(naam van             persoon) anders te sien.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 21: I am determined to see things differently. (ACIM, W-21)

Les 18 – Ek ervaar nie die gevolge van my sien alleen nie.

Augustus 2, 2025 /

1. Vandag se idee is nog ’n verdere stap om te leer dat gedagtes wat aanleiding gee tot wat jy sien, nooit neutraal of onbelangrik is nie. 2Dit beklemtoon ook die idee dat almal se geestesdenke met mekaar verbind is, wat later toenemend benadruk sal word.

2. Vandag se idee verwys nie soseer na wát jy sien as hóé jy dit sien nie. 2Vandag se oefeninge beklemtoon dus hierdie aspek van jou persepsie. 3Die drie of vier aanbevele oefenperiodes moet soos volg gedoen word:

3. Kyk om jou heen, kies so willekeurig as moontlik onderwerpe vir die toepassing van vandag se idee, en hou jou oë lank genoeg op elkeen om te sê:

              2Ek ervaar nie die gevolge van hoe ek __________ sien alléén nie.

3Sluit elke oefenperiode af deur die meer algemene stelling te herhaal:

              4Ek ervaar nie die gevolge van my sien alléén nie.

5Ongeveer ’n minuut, of selfs minder, sal voldoende wees vir elke oefenperiode.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 18: I am not alone in experiencing the effects of my seeing. (ACIM, W-18)

Les 15 – My gedagtes is beelde wat ek gemaak het.

Julie 30, 2025 /

1. Juis omdat die gedagtes wat jy dink jy dink as beelde verskyn, herken jy hulle nie as niks nie. 2Jy dink dat jy hulle dink, en dus dink jy dat jy hulle sien. 3Dit is hoe jou “sien” tot stand gekom het. 4Dit is die funksie wat jy aan jou liggaam se oë gegee het. 5Dit is nie sien nie. 6Dit is die maak van beelde. 7Dit neem die plek van sien in en vervang visie met illusie.

2. Hierdie inleidende idee tot die proses van beelde maak wat jy sien noem, sal nie veel betekenis vir jou hê nie. 2Jy sal dit begin begryp wanneer jy klein ligrandjies rondom dieselfde bekende voorwerpe wat jy nou sien, gesien het. 3Dit is die begin van ware visie. 4Jy kan seker wees dat ware visie spoedig sal volg wanneer dit gebeur het.

3. Soos ons voortgaan, mag jy baie “momente van lig” ervaar. 2Hulle mag baie verskillende vorms aanneem, sommiges nogal heeltemal onverwags. 3Moenie vir hulle bang wees nie. 4Hulle is tekens dat jy uiteindelik jou oë begin oopmaak. 5Hulle sal nie aanhou nie, want hulle is bloot simbolies van ware persepsie, en hou nie verband met kennis nie. 6Hierdie oefeninge sal nie kennis vir jou openbaar nie. 7Maar hulle sal die pad daarheen voorberei.

4. Herhaal, in die beoefening van vandag se idee, dit eers vir jouself en pas dit dan toe op alles wat jy om jou sien deur dit by die naam te noem en jou oë daarop te laat rus, terwyl jy sê:

              2Hierdie __________ is ’n beeld wat ek gemaak het.

              3Daardie __________ is ’n beeld wat ek gemaak het.

4Dit is nie nodig om ’n groot aantal spesifieke voorwerpe vir die toepassing van vandag se idee in te sluit nie. 5Dit is egter nodig om aan te hou kyk na elke voorwerp terwyl jy die idee vir jouself herhaal. 6Die idee moet elke keer taamlik stadig herhaal word.

5. Alhoewel jy uit die aard van die tydsduur nie in staat sal wees om die idee op regtig baie dinge van toepassing te maak gedurende die oefenperiode van ongeveer ’n minuut wat aanbeveel word nie, moet jy probeer om die keuses so vry en willekeurig as moontlik te maak. 2Minder as ’n minuut sal voldoende wees vir die oefenperiodes as jy ongemaklik begin voel. 3Moenie meer as drie oefenperiodes vir vandag se idee hou nie, tensy jy geheel en al gemaklik daarmee voel, en moenie vier oorskry nie. 4Die idee kan egter gedurende die dag na behoefte toegepas word.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 15: My thoughts are images that I have made. (ACIM, W-15)

Les 8 – My geestesdenke is behep met gedagtes uit die verlede.

Julie 23, 2025 /

1. Hierdie idee is natuurlik die rede waarom jy slegs die verlede sien. 2Niemand sien werklik iets nie. 3Hy sien maar net sy gedagtes wat na buite geprojekteer word. 4Die geestesdenke se beheptheid met die verlede is die oorsaak van die verkeerde opvatting oor tyd waaronder jou waarneming ly. 5Jou geestesdenke kan nie die hede wat die enigste tyd wat daar is, begryp nie. 6Dit kan daarom nie tyd begryp nie, en kan in werklikheid niks begryp nie.

2. Die enigste volkome ware gedagte wat ’n mens oor die verlede kan hê, is dat dit nie hier is nie. 2Om dus hoegenaamd daaroor te dink, is om oor illusies te dink. 3Baie min mense besef wat dit nou eintlik behels of selfs beteken om ’n prentjie te vorm van die verlede of om die toekoms te antisipeer. 4Wanneer die geestesdenke dit doen, is dit in werklikheid leeg, want dit dink nie wesenlik oor iets nie.

3. Die doel met vandag se oefeninge is om te begin om jou geestesdenke te oefen om te sien wanneer dit in werklikheid glad nie dink nie. 2Solank gedagtelose idees jou geestesdenke in beslag neem, word die waarheid geblokkeer. 3Die eerste stap om die pad na visie te open, is die erkenning dat jou geestesdenke tot dusver bloot leeg was, eerder as om te bly glo dat dit met regte idees gevul is.

4. Vandag se oefeninge moet met geslote oë gedoen word. 2Dit is omdat jy in werklikheid niks kan sien nie en dit so makliker is om in te sien dat, ongeag van hoe duidelik jy jou ook al ’n gedagte mag voorstel, jy in der waarheid niks sien nie. 3Ondersoek jou geestesdenke vir die gewone minuut lank, maar met so min as moontlike insette van jou kant, en let bloot op die gedagtes wat jy daar vind. 4Benoem elkeen volgens die sentrale figuur of tema wat daarin voorkom, en gaan oor na die volgende een. 5Begin die oefenperiode deur te sê:

              6Dit lyk of ek dink aan __________.

5. Benoem dan elke gedagte spesifiek, byvoorbeeld:

2Dit lyk of ek dink aan (naam van persoon), aan (naam van ’n objek), aan (naam van ’n emosie),

ensovoorts, en sluit dan die tyd van ondersoek van jou geestesdenke ten slotte af met:

            3Maar my geestesdenke is behep met gedagtes uit die verlede.

6. Dit kan vier of vyf keer gedurende die dag gedoen word, tensy jy dit irriterend vind. 2As jy dit veeleisend vind, is drie of vier keer voldoende. 3Jy mag dit egter nuttig vind om jou irritasie, of enige emosie wat vandag se idee moontlik veroorsaak, in te sluit by hierdie ondersoek van jou geestesdenke.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 8: My mind is preoccupied with past thoughts. (ACIM, W-8)

Les 7 – Ek sien slegs die verlede.

Julie 22, 2025 /

1. Dit is van meet af aan baie moeilik om hierdie idee te glo. 2Nogtans vorm dit die grondslag vir al die voriges.

3Dit is die rede waarom niks wat jy sien enigiets beteken nie.

4Dit is die rede waarom jy aan alles wat jy sien, alle betekenis gegee het wat dit vir jou het.

                              5Dit is die rede waarom jy niks begryp wat jy sien nie.

6Dit is die rede waarom jou gedagtes niks beteken nie en waarom hulle net soos die dinge wat jy sien, is.

7Dit is die rede waarom jy nooit ontsteld is om die rede wat jy dink nie.

8Dit is die rede waarom jy ontsteld is omdat jy iets sien wat nie daar is nie.

2. Ou idees oor tyd is baie moeilik om te verander omdat alles wat jy glo in tyd gewortel is en daarop staatmaak dat jy nie hierdie nuwe idees daaroor kan aanleer nie. 2Dit is egter presies waarom jy nuwe idees oor tyd benodig. 3Hierdie eerste tyd-idee is nie werklik so vreemd as wat dit in die begin mag klink nie.

3. Kyk byvoorbeeld na ’n koppie. 2Sien jy ’n koppie, of kyk jy bloot terug op jou vorige ervarings om ’n koppie op te tel, dors te wees, uit die koppie te drink, die rand teen jou lippe te voel, ontbyt te nuttig, ensovoorts? 3Is jou estetiese reaksies op die koppie nie ook op vorige ervarings gebaseer nie? 4Hoe anders sou jy weet of hierdie soort koppie sal breek as jy hom laat val of nie? 5Wat weet jy anders van hierdie koppie, behalwe wat jy in die verlede geleer het? 6Jy sou geen idee gehad het oor wat hierdie koppie is, as jy dit nie in die verlede geleer het nie. 7Sien jy dit dan werklik?

4. Kyk om jou heen. 2Dit is ewe waar vir alles waarna jy kyk. 3Gee erkenning daaraan deur vandag se idee sonder onderskeid toe te pas op enigiets wat jou oog vang. 4Byvoorbeeld:

            5Ek sien slegs die verlede in hierdie potlood.

              6Ek sien slegs die verlede in hierdie skoen.

              7Ek sien slegs die verlede in hierdie hand.

              8Ek sien slegs die verlede in daardie liggaam.

              9Ek sien slegs die verlede in daardie gesig.

5. Moenie by enigiets in die besonder stilstaan nie, maar onthou om niks opsetlik weg te laat nie. 2Kyk vlugtig na elke voorwerp en gaan dan voort na die volgende een. 3Drie of vier oefenperiodes wat elk ’n minuut of wat duur, sal genoeg wees.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 7: I see only the past. (ACIM, W-7)

Les 6 – Ek is ontsteld omdat ek iets sien wat nie daar is nie.

Julie 21, 2025 /

1. Die oefeninge met hierdie idee is baie soortgelyk aan die voriges. 2Weereens is dit nodig om beide die vorm van ontsteltenis (woede, vrees, bekommernis, depressie, ensovoorts) en die vermeende bron baie spesifiek te noem by elke toepassing van die idee. 3Byvoorbeeld:

              4Ek is kwaad vir __________ omdat ek iets sien wat nie daar is nie.

              5Ek is bekommerd oor __________ omdat ek iets sien wat nie daar is nie.

2. Vandag se idee is nuttig om toe te pas op enigiets wat jou blyk te ontstel, en kan met vrug die hele dag vir hierdie doel aangewend word. 2Nietemin moet die drie of vier oefenperiodes wat vereis word deur ongeveer ’n minuut se ondersoek van jou geestesdenke voorafgegaan word, gevolg deur die toepassing van die idee op elke ontstellende gedagte wat deur die ondersoek blootgelê is.

3. Weereens, as jy meer weerstand ondervind om die idee op sommige ontstellende gedagtes toe te pas as op ander, herinner jouself aan die twee waarskuwings uit die vorige les:

            2Daar is geen klein vorme van onsteltenis nie. 3Hulle is almal ewe steurend vir my             innerlike vrede.

                                                                                    4En:

            5Ek kan nie hierdie vorm van ontsteltenis vashou en die ander laat gaan nie. 6Vir             die doel van hierdie oefeninge sal ek hulle dus almal as dieselfde beskou.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 6: I am upset because I see something that is not there. (ACIM, W-6)

« Older posts

Vrywaring / Disclaimer: Hierdie Afrikaanse weergawe is my interpretasie van A Course in Miracles, wat my diep geïnspireer het. Ek het die Kursus in Engels bestudeer en het daarna verlang om my ervaring en insigte in my moedertaal, Afrikaans, te deel. Die werkboek-lesse en terme op hierdie webwerf is vertaal deur Henri Theron. Vir die volledige vertaalde Afrikaanse weergawe van A Course in Miracles, is jy welkom om in aanraking te kom met Henri by: (www.nkiw.org).

Oorspronklik gepubliseer deur die Foundation for Inner Peace in 1975, soos gelei deur Dr. Helen Schucman en mede-skrywer Dr. William Thetford.
Met hul goedkeuring het die Foundation for A Course in Miracles die onderrig-vertakking van die Kursus geword. Albei organisasies het deur die jare getrou gevolg hoe Helen wou hê haar manuskrip hanteer moes word.
As ’n universele, self-studie geestelike leerpad, leer die Kursus ’n unieke vorm van vergifnis—om die hindernisse in die denkgees te verwyder en die blywende teenwoordigheid van liefde te ontdek.

Hierdie webwerf word nie vir geldelike gewin of donasies aangebied nie. Ek doen dit bloot uit liefde en oortuiging, omdat ek glo dat hierdie Kursus 'n kragtige waarheid bevat wat met almal gedeel moet word. Dit is my hart se behoefte om hierdie Kursus bekend te stel aan enigiemand wat daarmee wil werk. Sê hello, stuur vir my 'n e-pos by: (marnus@hemelbewus.org).

Sluit aan by ons e-poslys

All quotes are from A Course in Miracles, Third Edition.
Copyright © 2007 by the Foundation for Inner Peace, copyright holder and publisher.
448 Ignacio Blvd., #306, Novato, CA 94949, acim.org, used with permission.

© 2026 Hemelbewus

Patternstorm Designs