Skrywer: admin (Page 4 of 8)

Les 46 – God is die Liefde waarin ek vergewe.

Augustus 30, 2025 /

1. God vergewe nie, want Hy het nooit veroordeel nie. 2En daar moet veroordeling wees voordat vergifnis nodig is. 3Vergifnis is die groot behoefte van hierdie wêreld, maar dit is omdat dit ’n wêreld van illusies is. 4Dié wat vergewe, bevry hulleself dus van illusies, terwyl dié wat hulle van vergifnis weerhou, hulleself daaraan bind. 5Net soos jy alleen jouself veroordeel, vergewe jy ook alleen jouself.

2. Maar alhoewel God nie vergewe nie, is Sy Liefde nietemin die basis vir vergifnis. 2Vrees veroordeel en liefde vergewe. 3Vergifnis maak ongedaan wat deur vrees veroorsaak is, en laat die geestesdenke weer terugkeer om bewus te word van God. 4Om hierdie rede kan vergifnis waarlik verlossing genoem word. 5Dit is die middel waardeur illusies verdwyn.

3. Vandag se oefeninge vereis ten minste drie oefenperiodes van ’n volle vyf minute elk, en soveel korter toepassings as moontlik. 2Begin die langer oefenperiodes deur vandag se idee, soos gewoonlik, vir jouself te herhaal. 3Sluit jou oë as jy dit doen en bestee ’n minuut of twee om jou geestesdenke te ondersoek vir diegene wat jy nog nie vergewe het nie. 4Dit maak nie saak “hoeveel” jy hulle nie vergewe het nie. 5Jy het hulle volkome vergewe of glad nie.

4. As jy die oefeninge goed doen, sal dit nie vir jou moeilik wees om ’n aantal mense te kry wat jy nie vergewe het nie. 2Jy kan van die veilige veronderstelling uitgaan dat enigeen van wie jy nie hou nie, ’n geskikte onderwerp is. 3Noem elkeen op sy naam en sê:

              4God is die Liefde waarin ek jou, (naam), vergewe.

5. Die bedoeling van die eerste fase van vandag se oefenperiodes is om jou in staat te stel om jouself te vergewe. 2Nadat jy die idee toegepas het op almal wat in jou geestesdenke opgekom het, sê vir jouself:

              3God is die Liefde waarin ek myself vergewe.

4Bestee dan die res van die oefenperiode daaraan om verwante idees, soos die volgende, by te voeg:

              5God is die Liefde waarmee ek myself lief het.

              6God is die Liefde waarin ek geseënd is.

6. Die toepassingsvorm mag aansienlik varieer, maar die sentrale idee moet nie uit die oog verloor word nie. 2Jy sou byvoorbeeld kon sê:

              3Ek kan nie skuldig wees nie, want ek is ’n Seun van God.

              4Ek is alreeds vergewe.

            5Geen vrees is moontlik in geestesdenke wat deur God bemin word nie.

              6Dit is nie nodig om aan te val nie, want liefde het my vergewe.

7Die oefenperiode moet egter eindig met ’n herhaling van die dag se idee soos dit oorspronklik gestel is.

7. Die korter oefenperiodes kan bestaan uit óf ’n herhaling van die dag se idee in sy oorspronklike óf in ’n verwante vorm, net soos jy verkies. 2Sorg egter om meer spesifieke toepassings te maak as dit nodig is. 3Hulle sal nodig wees op elke oomblik van die dag wanneer jy bewus word van enige soort negatiewe reaksie teenoor iemand, hetsy teenwoordig of nie. 4In dié geval, sê stil vir hom:

              5God is die Liefde waarin ek jou vergewe.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 46: God is the Love in which I forgive. (ACIM, W-46)

Les 45 – God is die Geestesdenke waarmee ek dink.

Augustus 29, 2025 /

1. Vandag se idee bevat die sleutel tot wat jou werklike gedagtes is. 2Hulle is nie wat jy dink jy dink nie, net soos wat jy dink jy sien, geen verband hou met visie op enige wyse nie. 3Daar is geen verband tussen wat werklik is en wat jy dink werklik is nie. 4Niks wat jy dink jou regte gedagtes is, kom enigsins met jou regte gedagtes ooreen nie. 5Niks wat jy dink jy sien, toon enige ooreenkoms met wat visie jou sal wys nie.

2. Jy dink met die Geestesdenke van God. 2Sodoende deel jy jou gedagtes met Hom, soos Hy Syne met jou deel. 3Hulle is dieselfde gedagtes, want hulle word deur dieselfde Geestesdenke gedink. 4Om te deel, beteken om eenders of één te maak. 5Ook verlaat die gedagtes waarmee jy met die Geestesdenke van God dink nie jou geestesdenke nie, want gedagtes verlaat nie hulle bron nie. 6Daarom is jou gedagtes in die Geestesdenke van God, nes jy is. 7Hulle is ook in jou geestesdenke, waar Hy is. 8Soos jy deel van Sy Geestesdenke is, is jou gedagtes deel van Sy Geestesdenke.

3. Waar is jou werklike gedagtes dan? 2Vandag gaan ons probeer om hulle te bereik. 3Ons sal hulle in jou geestesdenke moet soek, want dit is waar hulle is. 4Hulle moet steeds daar wees, want hulle kon nie hulle bron verlaat het nie. 5Wat deur die Geestesdenke van God gedink word, is ewig, omdat dit ’n deel van die skepping is.

4. Ons drie oefenperiodes van vyf minute elk vir vandag neem dieselfde vorm aan as wat ons gebruik het om gister se idee toe te pas. 2Ons sal probeer om die onwerklike agter te laat en die werklike te soek. 3Ons sal die wêreld afwys ten gunste van die waarheid. 4Ons sal ons nie deur die gedagtes van die wêreld laat terughou nie. 5Ons sal ons nie deur die oortuigings van die wêreld laat vertel dat wat God wil hê ons moet doen, onmoontlik is nie. 6Ons sal, inteendeel, probeer insien dat alleenlik wat God wil hê ons moet doen, moontlik is.

5. Ons sal ook probeer begryp dat ons net dít wil doen wat God vir ons wil. 2En ons sal ook probeer om te onthou dat ons nie kan misluk om te doen wat Hy wil hê ons moet doen nie. 3Ons het alle rede om vol vertroue te wees dat ons vandag sal slaag. 4Dit is die Wil van God.

6. Begin vandag se oefeninge deur die idee vir jouself te herhaal, en sluit jou oë daartydens. 2Bestee dan ’n redelike kort tydjie om ’n paar verwante gedagtes van jou eie te dink, terwyl jy die idee in gedagte hou. 3Nadat jy ongeveer vier of vyf gedagtes van jou eie tot die idee gevoeg het, herhaal dit weereens en sê saggies vir jouself:

              4My werklike gedagtes is in my geestesdenke. 5Ek wil hulle graag vind.

6Probeer dan om by al die onwerklike gedagtes verby te gaan wat die waarheid in jou geestesdenke bedek, en die ewige te bereik.

7. Onder al die sinlose gedagtes en dwase idees waarmee jy jou geestesdenke volgestop het, is die gedagtes wat jy in die begin met God gedink het. 2Hulle is nou, volkome onveranderd, daar in jou geestesdenke. 3Hulle sal altyd in jou geestesdenke wees, presies soos hulle altyd was. 4Alles wat jy sedertdien gedink het, sal verander, maar die Grondslag waarop dit berus, is volkome onveranderlik.

8. Dit is op hierdie Grondslag dat vandag se oefeninge gerig word. 2Hier is jou geestesdenke verenig met die Geestesdenke van God. 3Hier is jou gedagtes één met Syne. 4Vir hierdie soort oefening is slegs een ding nodig: benader dit soos jy ’n altaar sou nader wat in die Hemel aan God die Vader en aan God die Seun toegewy is. 5Want sodanig is die plek wat jy probeer bereik. 6Jy sal heelwaarskynlik nog nie in staat wees om te besef hoe hoog jy probeer gaan nie. 7Maar selfs met die klein bietjie insig wat jy reeds verwerf het, behoort jy in staat te wees om jouself daaraan te herinner dat dit nie ’n beuselagtige speletjie is nie, maar ’n oefening in heiligheid en ’n poging om die Koninkryk van die Hemel te bereik.

9. Probeer tydens die korter oefenperiodes van vandag onthou hoe belangrik dit vir jou is om die heiligheid te begryp van die geestesdenke wat met God dink. 2Neem ’n minuut of twee om, wanneer jy die idee deur die dag herhaal, jou geestesdenke se heiligheid te waardeer. 3Staan opsy, hoe kort ook al, van alle gedagtes wat Hom Wie se gasheer jy is, onwaardig is. 4En bedank Hom vir die gedagtes wat Hy met jou dink.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 45: God is the Mind with which I think. (ACIM, W-45)

Les 44 – God is die lig waarin ek sien.

Augustus 28, 2025 /

1. Vandag gaan ons voort met gister se idee deur ’n ander dimensie daaraan toe te voeg. 2Jy kan nie in die duisternis sien nie, en jy kan nie lig maak nie. 3Jy kan duisternis maak en dan dink dat jy daarin sien, maar lig weerspieël lewe en is dus ’n aspek van die skepping. 4Skepping en duisternis kan nie saambestaan nie, maar lig en lewe moet saamgaan, omdat hulle slegs verskillende aspekte van die skepping is.

2. Om te kan sien, moet jy besef dat lig in jou is, nie buite nie. 2Jy sien nie buite jouself nie, en ook is die toerusting om buite jou te sien nie daar nie. 3’n Noodsaaklike deel van hierdie toerusting is die lig wat sien moontlik maak. 4Dit is altyd met jou en by jou en maak visie onder alle omstandighede moontlik.

3. Vandag gaan ons probeer om daardie lig te bereik. 2Vir hierdie doel gaan ons ’n soort oefening gebruik wat al voorheen aangeraai is en wat ons steeds meer gaan aanwend. 3Dit is ’n besonder moeilike vorm vir die ongedissiplineerde geestesdenke, en verteenwoordig ’n hoofdoel van die opleiding van die geestesdenke. 4Dit vereis presies wat die ongeoefende geestesdenke mis. 5Tog moet hierdie oefening uitgevoer word as jy wil sien.

4. Neem vandag ten minste drie oefenperiodes van elk drie tot vyf minute lank. 2’n Langer tyd is aan te beveel, maar slegs as jy vind dat die tyd sonder enige spanning verbyglip. 3Die oefenvorm wat ons vandag gebruik is die natuurlikste en maklikste een ter wêreld vir die geoefende geestesdenke, maar lyk na die onnatuurlikste en moeilikste vir die ongeoefende geestesdenke.

5. Jou geestesdenke is nie meer heeltemal ongeoefen nie. 2Jy is sekerlik gereed om die oefenvorm wat ons vandag gaan gebruik, te leer, maar jy mag vind dat jy sterk weerstand ondervind. 3Die rede hiervoor is baie eenvoudig. 4Wanneer jy op hierdie wyse oefen, laat jy alles wat jy nou glo, en al die gedagtes wat jy tot nog toe opgemaak het, agter. 5In der waarheid is dit ’n verlossing uit die hel. 6Tog is dit, gesien deur die oë van die ego, ’n verlies aan identiteit en ’n afdaling hel toe.

6. As jy net so ’n bietjie afstand kan hou van die ego, sal jy geen probleme ondervind om te besef dat sy teenstand en vrese betekenisloos is nie. 2Miskien kan dit jou help om van tyd tot tyd jouself daaraan te herinner dat om die lig te bereik, beteken om uit die duisternis te ontsnap, wat jy ook al andersins mag glo. 3God is die lig waarin jy sien. 4Jy probeer om Hom te bereik.

7. Begin die oefenperiode deur vandag se idee met oop oë te herhaal, en hulle dan stadig toe te maak terwyl die idee nog ’n paar keer herhaal word. 2Probeer dan om as’t ware in jou geestesdenke in te sink, en elke soort steuring en inmenging te laat vaar deur rustig daar verby al dieper in te sink. 3Jou geestesdenke kan nie hierin gekeer word nie, tensy jy dit so verkies. 4Dit volg slegs sy natuurlike koers. 5Probeer om jou verbygaande gedagtes sonder betrokkenheid te observeer, en glip rustig by hulle verby.

8. Alhoewel geen spesifieke benadering vir hierdie soort oefening aanbeveel word nie, is dit nodig dat jy ’n gevoel kry van die belangrikheid van wat jy doen, die onskatbare waarde daarvan vir jou, en ’n bewustheid dat jy iets baie heiligs beproef. 2Verlossing is jou gelukkigste volbrenging. 3Dit is ook al een wat enige betekenis het, want dit is die enigste een wat enige werklike nut hoegenaamd vir jou het.

9. As weerstand van enige aard ontstaan, rus dan lank genoeg sodat jy vandag se idee kan herhaal, terwyl jy jou oë geslote hou, tensy jy van vrees bewus is. 2In laasgenoemde geval sal jy dit heelwaarskynlik meer gerusstellend vind om jou oë vir ’n kort tydjie oop te hou. 3Probeer egter om so gou moontlik weer die oefeninge te hervat met geslote oë.

10. As jy die oefeninge korrek doen, moet jy ’n mate van ontspanning ervaar en selfs ’n gevoel kry dat jy die lig nader, indien nie binnegaan nie. 2Probeer om aan lig te dink, vormloos en grensloos, soos jy by die gedagtes van hierdie wêreld verby beweeg. 3En moenie vergeet dat hulle jou nie aan die wêreld kan vashou nie, tensy jy hulle die mag gee om dit te doen.

11. Herhaal die idee dikwels deur die dag met oop of geslote oë, soos dit vir jou op daardie oomblik die beste lyk. 2Maar moenie dit vergeet nie. 3Wees bowenal vasbeslote om nie vandag te vergeet nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 44: God is the light in which I see. (ACIM, W-44)

Les 43 – God is my Bron. Los van Hom kan ek nie sien nie.

Augustus 27, 2025 /

1. Persepsie is nie ’n eienskap van God nie. 2Aan Hom behoort die koninkryk van kennis. 3Maar Hy het die Heilige Gees geskep as die Middelaar tussen persepsie en kennis. 4Sonder hierdie skakel met God sou persepsie vir ewig die plek van kennis in jou geestesdenke ingeneem het. 5Met hierdie skakel met God sal persepsie so verander en gesuiwer word dat dit na kennis lei. 6Dit is sy funksie soos die Heilige Gees dit sien. 7Daarom is dit in waarheid sy funksie.

2. In God kan jy nie sien nie. 2Persepsie het nie ’n funksie in God nie en bestaan nie. 3Maar in verlossing, wat die ongedaanmaking behels van wat nooit was nie, het persepsie ’n grootse doel. 4Deur die Seun van God vir ’n onheilige doel gemaak, moet dit die middel word waarmee hy weer van sy heiligheid bewus word. 5Persepsie het geen betekenis nie. 6Nogtans gee die Heilige Gees ’n betekenis daaraan wat baie na aan die betekenis van God Self is. 7Geneesde persepsie word die middel waardeur die Seun van God sy broer en dus homself vergewe.

3. Los van God kan jy nie sien nie, want jy kan nie los van God bestaan nie. 2Wat jy ook al doen, doen jy in Hom, want wat jy ook al dink, dink jy met Sy Geestesdenke. 3As visie werklik is, en dit is slegs werklik in die mate waarin dit die Heilige Gees se doel deel, kan jy nie apart van God sien nie.

4. Drie oefenperiodes van vyf minute elk word vandag benodig, een so vroeg moontlik en die ander so laat moontlik in die dag. 2Die derde een kan onderneem word op die gunstigste en geskikste tyd binne jou omstandighede en gereedheid. 3Herhaal die idee vir die dag aan jouself met oop oë aan die begin van hierdie oefenperiodes. 4Kyk dan vir ’n kort rukkie om jou heen terwyl jy die idee spesifiek op wat jy sien, toepas. 5Vier of vyf onderwerpe vir hierdie fase van die oefenperiode is voldoende. 6Jy kan byvoorbeeld sê:

              7God is my Bron. 8Ek kan nie hierdie lessenaar los van hom sien nie.

              9God is my Bron. 10Ek kan nie daardie skildery los van hom sien nie.

5. Alhoewel hierdie deel van die oefening relatief kort moet wees, moet jy seker maak dat jy die onderwerpe vir hierdie oefenfase willekeurig kies, sonder dat jy self besluit wat jy in- of uitsluit. 2Vir die tweede en langer fase moet jy jou oë sluit, vandag se idee weer herhaal en dan alle relevante gedagtes wat by jou opkom, op jou eie persoonlike manier by die idee voeg. 3Gedagtes soos:

            4Ek sien deur oë van vergifnis.

              5Ek sien die wêreld as geseënd.

              6Die wêreld kan my myself laat sien.

              7Ek sien my eie gedagtes, wat soos die Gedagtes van God Self is.

8Enige gedagte wat min of meer aan vandag se idee verwant is, is geskik. 9Die gedagtes hoef nie ’n duidelike verwantskap met die idee te hê nie, maar hulle moet nie daarmee in stryd wees nie.

6. As jy vind dat jou geestesdenke afdwaal, as jy begin bewus word van gedagtes wat duidelik nie met vandag se idee verband hou nie, of as dit voorkom of jy aan niks kan dink nie, maak dan jou oë oop, herhaal die eerste fase van die oefenperiode en probeer dan weer die tweede fase. 2Moenie ’n lang uitgerekte periode waartydens jy behep raak met onverwante gedagtes, toelaat nie. 3Keer so dikwels as wat nodig is na die eerste fase van die oefeninge terug om dit te voorkom.

7. By die toepassing van vandag se idee in die korter oefenperiodes, kan die vorm varieer volgens die omstandighede en situasies waarin jy jouself gedurende die dag bevind. 2As jy byvoorbeeld saam met iemand anders is, probeer onthou om saggies vir hom te sê:

              3God is my Bron. 4Los van Hom kan ek jou nie sien nie.

5Hierdie vorm is net so van toepassing op vreemdelinge as wat dit is op diegene wat jy dink nader aan jou is. 6Probeer trouens om hoegenaamd geen onderskeidings van hierdie aard te maak nie.

8. Vandag se idee behoort ook die hele dag deur toegepas te word op verskillende situasies en gebeure wat mag voorkom, veral op dié wat skyn om jou op een of ander manier te ontstel. 2Pas die idee vir hierdie doel in hierdie vorm toe:

            3God is my Bron. 4Los van Hom kan ek dit nie sien nie.

9. As geen spesifieke onderwerp op ’n gegewe tyd by jou opkom nie, herhaal bloot die idee in sy oorspronklike vorm. 2Probeer vandag om nie enige lang tye te laat verby gaan sonder om aan die idee van die dag en dus aan jou funksie te dink nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 43: God is my Source. I cannot see apart from Him. (ACIM, W-43)

Les 42 – God is my Krag. Visie is Sy geskenk.

Augustus 26, 2025 /

1. Vandag se idee kombineer twee baie kragtige gedagtes, beide van groot belang. 2Dit beskryf ook ’n oorsaak en gevolg verhouding wat verduidelik waarom jy nie kan misluk in jou pogings om die doel van die kursus te bereik nie. 3Jy sal sien omdat dit God se Wil is. 4Dit is Sy krag, nie jou eie nie, wat jou krag gee. 5En dit is Sy geskenk, eerder as jou eie, wat jou visie gee.

2. God is inderdaad jou krag, en wat Hy gee, word waarlik gegee. 2Dit beteken dat jy dit te enige tyd en op enige plek, waar jy ook al is, en in watter omstandighede jy jou ook al mag bevind, kan ontvang. 3Jou reis deur tyd en ruimte is nie willekeurig nie. 4Jy kan nie anders as om op die regte tyd op die regte plek te wees nie. 5So werk die krag van God. 6So is Sy gawes.

3. Ons sal vandag twee oefenperiodes van drie tot vyf minute hê, die een so gou moontlik nadat jy wakker geword het, en die ander een so na as moontlik aan slapenstyd. 2Dit is egter beter om te wag totdat jy stil en alleen kan wees en tot jy reg voel, eerder as om oor die tye as sulks begaan te wees.

4. Begin hierdie oefenperiodes deur die dag se idee stadig te herhaal, met oop oë, terwyl jy om jou heen kyk. 2Sluit dan jou oë en herhaal die idee weer, nog stadiger as voorheen. 3Probeer hierna om aan niks te dink nie behalwe aan gedagtes wat by jou opkom in verband met die idee van die dag. 4Jy sou byvoorbeeld kon dink:

              5Visie moet moontlik wees. 6God gee waarlik,

              of:

              7God se gawes aan my moet wel myne wees, want Hy het hulle aan my gegee.

5. Enige gedagte wat duidelik verband hou met vandag se idee is geskik. 2Jy mag trouens verbaas wees oor die hoeveelheid insig wat met die kursus verband hou wat sommige van jou gedagtes bevat. 3Laat hulle kom sonder om hulle te sensureer, tensy jy vind dat jou geestesdenke bloot afdwaal en jy duidelik irrelevante gedagtes laat binnekom het. 4Jy mag ook ’n stadium bereik waar dit voorkom of geen gedagtes in jou geestesdenke opkom nie. 5As sulke steurings voorkom, kan jy jou oë oopmaak en die idee weereens herhaal terwyl jy stadig om jou heen kyk; sluit jou oë, herhaal die idee nogmaals en gaan dan voort om na verwante gedagtes in jou geestesdenke te soek.

6. Onthou egter dat ’n aktiewe soeke na verwante gedagtes nie gepas is vir vandag se oefeninge nie. 2Probeer bloot om terug te staan en die gedagtes te laat vloei. 3As jy dit moeilik vind, is dit beter om die oefenperiodes te gebruik vir ’n stadige herhaling van die idee met afwisselende oop en toe oë, as om jou in te span om ten alle koste geskikte gedagtes te vind.

7. Daar is nie ’n beperking op die aantal kort oefenperiodes wat vandag voordelig sal wees nie. 2Die idee vir die dag is die eerste stap om gedagtes saam te voeg en jou te leer dat jy ’n verenigde denksisteem bestudeer waarin niks ontbreek wat nodig is nie, en waarin niks wat teenstrydig of irrelevant is, ingesluit is nie.

8. Hoe meer dikwels jy die idee gedurende die dag herhaal, hoe meer dikwels herinner jy jouself daaraan dat die doel van die kursus vir jou belangrik is, en dat jy dit nie vergeet het nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 42: God is my strength. Vision is His gift. (ACIM, W-42)

Les 41 – God gaan met my, waar ek ook al gaan.

Augustus 25, 2025 /

1. Vandag se idee sal uiteindelik die gevoel van eensaamheid en verlatenheid wat alle geskeidenes ervaar, volledig oorwin. 2Depressie is ’n onvermydelike gevolg van skeiding. 3So ook angs, bekommernis, ’n diep gevoel van hulpeloosheid, ellende, lyding en intense vrees vir verlies.

2. Die geskeidenes het baie “geneesmiddels” uitgevind vir wat hulle glo die “kwale van die wêreld” is. 2Maar die een ding wat hulle nie doen nie, is om die werklikheid van die probleem te bevraagteken. 3En aangesien die probleem nie werklik is nie, kan geen geneesmiddel help vir die gevolge daarvan nie. 4Vandag se idee het die krag om al hierdie dwaasheid vir altyd te beëindig. 5En dwaasheid is dit inderdaad, ondanks die ernstige en tragiese vorms wat dit kan aanneem.

3. Diep in jou is alles wat volmaak is, gereed om deur jou na die wêreld uitgestraal te word. 2Dit sal alle smart en pyn en vrees en verlies genees, want dit sal die geestesdenke genees wat gedink het dat hierdie dinge werklik was, en gely het as gevolg van sy trou daaraan.

4. Jy kan nooit van jou volmaakte heiligheid ontneem word nie, want die Bron daarvan gaan waar jy ook al gaan. 2Jy kan nooit ly nie, want die Bron van alle vreugde gaan met jou waar jy ook al gaan. 3Jy kan nooit alleen wees nie, want die Bron van alle lewe gaan met jou waar jy ook al gaan. 4Niks kan die vrede van jou geestesdenke versteur nie, want God gaan met jou waar jy ook al gaan.

5. Ons begryp dat jy dit nie alles glo nie. 2Hoe kan jy, wanneer die waarheid diep in jou weggesteek is onder ’n swaar wolk van waansinnige gedagtes, dig en verhullend, maar nogtans alles verteenwoordig wat jy sien? 3Vandag sal ons ons eerste egte poging aanwend om by hierdie donker en swaar wolk verby te kom en deur dit na die lig daaragter te gaan.

6. Daar sal vandag net een lang oefenperiode wees. 2Sit in die oggend, indien moontlik sodra jy opstaan, stil vir so drie of vyf minute met jou oë toe. 3Herhaal vandag se idee baie stadig aan die begin van die oefenperiode. 4Doen daarna geen moeite om aan enigiets te dink nie. 5Probeer in plaas daarvan om ’n gevoel van inkeer tot jouself te kry, verby al die nuttelose gedagtes van die wêreld. 6Probeer om jou eie geestesdenke baie diep binne te gaan, en dit skoon en vry te hou van enige gedagtes wat jou aandag mag aflei.

7. Jy kan die idee van tyd tot tyd herhaal, as jy dit nuttig vind. 2Maar probeer bowenal om na binne af te sink, weg van die wêreld en al die dwase gedagtes daarvan. 3Jy probeer verder reik as al hierdie dinge. 4Jy probeer om alle skyn agter te laat en al nader te kom aan die werklikheid.

8. Dit is heeltemal moontlik om God te bereik. 2Dit is in werklikheid baie maklik, want dit is die natuurlikste ding ter wêreld. 3Jy kan selfs sê dat dit die enigste natuurlike ding in die wêreld is. 4Die pad sal vir jou oopgaan, as jy glo dat dit moontlik is. 5Hierdie oefening kan verbysterende resultate oplewer, selfs al met die eerste poging, en is vroeër of later altyd suksesvol. 6Op die fyner besonderhede van hierdie oefening sal daar na gelang van vordering ingegaan word. 7Maar dit sal nooit heeltemal misluk nie, en onmiddellike sukses is moontlik.

9. Gebruik vandag se idee dikwels deur die dag deur dit stadig te herhaal, verkieslik met geslote oë. 2Dink aan wat jy sê, en wat die woorde beteken. 3Konsentreer op die heiligheid wat hulle oor jou impliseer, op die altyd aanwesige kameraadskap wat jou deel is, op die volledige beskerming wat jou omring.

10. Jy kan inderdaad bekostig om te lag oor vreesgedagtes, wanneer jy onthou dat God met jou gaan, waar jy ook al gaan.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 41: God goes with me wherever I go. (ACIM, W-41)

Les 40 – Ek is geseënd as ’n Seun van God.

Augustus 24, 2025 /

1. Vandag sal ons begin aanspraak maak op sommige van die gelukkige dinge waarop jy geregtig is, omdat jy is wat jy is. 2Geen lang oefenperiodes word vandag verlang nie, maar baie herhaalde kortetjies is nodig. 3Een elke tien minute sou baie wenslik wees, en jy word aangemoedig om hierdie rooster te volg en waar enigsins moontlik, daarby te hou. 4As jy vergeet, probeer weer. 5As daar lang onderbrekings voorkom, probeer weer. 6Wanneer jy ook al onthou, probeer weer.

2. Jy hoef nie jou oë vir die oefenperiodes te sluit nie, alhoewel jy dit heelwaarskynlik nuttiger sal vind as jy dit wel doen. 2Jy mag jou nogtans gedurende die dag in ’n aantal situasies bevind waar dit nie wenslik sou wees om jou oë toe te maak nie. 3Moenie ’n oefenperiode as gevolg hiervan mis nie. 4Jy kan heel goed onder enige omstandighede oefen, as jy regtig wil.

3. Vandag se oefeninge vra min tyd en geen inspanning nie. 2Herhaal die idee vir vandag, en voeg dan verskeie van die eienskappe by wat jy met ’n Seun van God assosieer, en pas hulle dan op jouself toe. 3’n Oefenperiode kan, byvoorbeeld, uit die volgende bestaan:

              4Ek is geseënd as ’n Seun van God.

                5Ek is gelukkig, tevrede, liefdevol en voldaan.

6’n Ander een kan dalk hierdie vorm aanneem:

              7Ek is geseënd as ’n Seun van God.

                8Ek is kalm, rustig, selfversekerd en vol vertroue.

9As jy slegs ’n kort tydjie tot jou beskikking het, sal dit voldoende wees om net vir jouself te sê dat jy geseënd is as ’n Seun van God.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 40: I am blessed as a Son of God. (ACIM, W-40)

Les 39 – My heiligheid is my verlossing.

Augustus 23, 2025 /

1. As skuld die hel self is, wat is die teenoorgestelde daarvan? 2Net soos die teks waarvoor hierdie werkboek geskryf is, is die idees wat vir die oefeninge gebruik word eenvoudig, baie duidelik en geheel en al ondubbelsinnig. 3Dit gaan nie vir ons oor intellektuele prestasies of speletjies met die logika nie. 4Ons hou ons slegs besig met die heel voor die hand liggende wat in die waas van ingewikkeldheid waarin jy dink jy dink, nie raakgesien word nie.

2. As skuld die hel is, wat is die teenoorgestelde daarvan? 2Dit is tog sekerlik nie moeilik nie. 3Jou aarseling om te antwoord is nie te wyte aan die dubbelsinnigheid van die vraag nie. 4Maar glo jy wel dat skuld die hel is? 5Indien wel, sou jy dadelik sien hoe direk en eenvoudig die teks is, en sal jy glad nie ’n werkboek nodig hê nie. 6Niemand hoef te oefen om te verwerf wat alreeds syne is nie.

3. Ons het alreeds gesê dat jou heiligheid die verlosssing van die wêreld is. 2Wat dan van jou eie verlossing? 3Jy kan nie gee wat jy nie het nie. 4’n Verlosser moet verlos wees. 5Hoe kan hy anders verlossing onderrig? 6Vandag se oefeninge geld vir jou, in die besef dat jou verlossing noodsaaklik vir die verlossing van die wêreld is. 7Wanneer jy die oefeninge op jou wêreld toepas, sal die hele wêreld baat vind.

4. Jou heiligheid is die antwoord op elke vraag wat ooit gestel was, wat nou gestel word of in die toekoms gestel sal word. 2Jou heiligheid beteken die einde van skuld, en daarom die einde van hel. 3Jou heiligheid is die verlossing van die wêreld, en jou eie. 4Hoe kan jy, aan wie jou heiligheid behoort, daarvan uitgesluit wees? 5God ken nie onheiligheid nie. 6Kan dit wees dat Hy nie Sy Seun ken nie?

5. ’n Volle vyf minute vir die vier langer oefenperiodes van vandag word aangeraai, en langer en meer herhaaldelike oefensessies word aangemoedig. 2As jy die minimum vereiste wil oorskry, word eerder méér as langer sessies aanbeveel, alhoewel beide voorgestel word.

6. Begin die oefenperiodes soos gewoonlik deur vandag se idee vir jouself te herhaal. 2Spoor dan met geslote oë jou liefdelose gedagtes op, in watter vorm hulle ook al mag verskyn: ongemak, depressie, woede, vrees, bekommernis, aggressie, onsekerheid, ensovoorts. 3Watter vorm hulle ook al aanneem, hulle is liefdeloos en daarom angswekkend. 4En dit is dus hulle waarvan jy verlos moet word.

7. Spesifieke situasies, gebeure of persoonlikhede wat jy met allerlei liefdelose gedagtes assosieer, is geskikte onderwerpe vir vandag se oefeninge. 2Dit is noodsaaklik vir jou verlossing dat jy hulle anders sien. 3En dit is jou seën oor hulle wat jou sal verlos en aan jou visie sal verskaf.

8. Ondersoek jou geestesdenke stadig, sonder om bewustelik te kies en sonder om een spesiaal te beklemtoon, vir elke gedagte wat tussen jou en jou verlossing staan. 2Pas die idee vir vandag op elkeen van hulle soos volg toe:

              3My liefdelose gedagtes oor __________ hou my in die hel.

               4 My heiligheid is my verlossing.

9. Jy mag hierdie oefenperiodes makliker vind as jy dit afwissel met verskeie kort oefenperiodes waartydens jy bloot vandag se idee ’n paar keer stadig vir jouself herhaal. 2Jy mag dit ook nuttig vind om ’n paar kort tussenposes in te sluit waartydens jy net ontspan en skynbaar aan niks dink nie. 3Volgehoue konsentrasie is aan die begin baie moeilik. 4Dit sal baie makliker word soos jou geestesdenke meer gedissiplineerd en minder verstrooid raak.

10. Intussen behoort jy vry te voel om enige variasie tydens die oefenperiodes in te bring, wat ook al by jou ingang vind. 2Moet egter nie die idee self, soos jy die toepassingsmetode varieer, verander nie. 3Hoe jy ook al verkies om dit te gebruik, moet die idee só gestel word dat die betekenis daarvan ’n feit bly dat jou heiligheid jou verlossing is. 4Beëindig elke oefenperiode deur weereens die idee in sy oorspronklike vorm te herhaal, en daaraan toe te voeg:

              5As skuld hel is, wat is die teenoorgestelde daarvan?

11. Tydens die korter toepassings wat indien moontlik drie of vier keer ’n uur gedoen moet word, kan jy jouself hierdie vraag stel, vandag se idee herhaal, en liefs beide doen. 2As versoekings ontstaan, is die volgende ’n besondere nuttige vorm van die idee:

              3My heiligheid is my verlossing hiervan.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 39: My holiness is my salvation. (ACIM, W-39)

Les 38 – Daar is niks wat my heiligheid nie kan doen nie.

Augustus 22, 2025 /

1. Jou heiligheid draai al die wette van die wêreld om. 2Dit gaan enige tyd, ruimte, afstand en grense van enige aard te bowe. 3Jou heiligheid is totaal onbeperk in die mag daarvan, want dit bevestig jou as ’n Seun van God, één met die Geestesdenke van sy Skepper.

2. Deur jou heiligheid word die mag van God gemanifesteer. 2Deur jou heiligheid word die mag van God beskikbaar gestel. 3En daar is niks wat die mag van God nie kan doen nie. 4Jou heiligheid kan gevolglik alle pyn verwyder, alle smart en leed beëindig, en alle probleme oplos. 5Dit kan hy doen met betrekking tot jouself en enigiemand anders. 6Dit het dieselfde mag om elkeen te help omdat dit dieselfde mag het om iedereen te verlos.

3. As jy heilig is, is alles wat God geskep het ook heilig. 2Jy is heilig, omdat alle dinge wat Hy geskep het heilig is. 3En alle dinge wat Hy geskep het, is heilig, omdat jy heilig is. 4In vandag se oefeninge sal ons die mag van jou heiligheid benut vir alle probleme, moeilikhede of lyding van enige aard waaraan jy mag dink, in jouself of in iemand anders. 5Ons sal geen onderskeid tref nie, want daar is geen onderskeid nie.

4. Herhaal tydens die vier langer oefenperiodes, wat elk verkieslik ’n volle vyf minute moet duur, die idee vir vandag, sluit jou oë en ondersoek dan jou geestesdenke vir enige gevoel van verlies of ongelukkigheid van enige aard, soos jy dit sien. 2Probeer so min onderskeid as moontlik maak tussen situasies wat vir jou moeilik is en situasies wat vir iemand anders moeilik is. 3Dui die situasie spesifiek aan, en ook die naam van die betrokke persoon. 4Gebruik die volgende vorm om die idee vir vandag toe te pas:

              5In die situasie met betrekking tot __________ waarin ek myself sien, is daar

              niks wat my heiligheid nie kan doen nie.

              6In die situasie met betrekking tot __________ waarin __________ homself

              sien, is daar niks wat my heiligheid nie kan doen nie.

5. Miskien wil jy van tyd tot tyd hierdie werkswyse varieer en enkele verbandhoudende gedagtes van jou eie byvoeg. 2Jy sou byvoorbeeld gedagtes kon insluit soos:

              3Daar is niks wat my heiligheid nie kan doen nie, want die mag van God lê                         daarin.

4Bring enige variasies in waarvan jy hou, maar fokus die oefeninge op die tema: “Daar is niks wat my heiligheid nie kan doen nie.” 5Die doel van vandag se oefeninge is om die gevoel geleidelik in te prent dat jy heerskappy oor alle dinge het, as gevolg van wat jy is.

6. Pas die idee tydens die veelvuldige korter oefeninge toe in sy oorspronklike vorm, tensy ’n spesifieke probleem ten opsigte van jouself of iemand anders opduik, of in jou geestesdenke opkom. 2Gebruik in dié geval die meer spesifieke vorm van die idee en pas dit daarop toe.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 38: There is nothing my holiness cannot do. (ACIM, W-38)

Les 37 – My heiligheid seën die wêreld.

Augustus 21, 2025 /

1. Hierdie idee bevat die eerste glimpie van jou ware funksie in die wêreld, oftewel die rede waarom jy hier is. 2Jou doel is om die wêreld deur jou eie heiligheid te sien. 3So word jy en die wêreld tesame geseën. 4Niemand verloor nie, niks word van enigeen weggevat nie, iedereen baat by jou heilige visie. 5Dit dui die einde van opoffering aan, want dit bied aan elkeen alles wat hom toekom. 6En hy is geregtig op alles, want dit is sy geboortereg as ’n Seun van God.

2. Daar is geen ander manier waarop die idee van opoffering uit die wêreld se denke verwyder kan word nie. 2Enige ander manier van sien sal onvermydelik ’n prys vra van iemand of iets. 3As gevolg daarvan sal die waarnemer verloor. 4Ook sal hy geen idee hê waarom hy verloor nie. 5Maar hy word opnuut bewus van sy heelheid deur jou visie. 6Jou heiligheid seën hom deur niks van hom te vra nie. 7Wie hulleself as heel sien, stel geen eise nie.

3. Jou heiligheid is die verlossing van die wêreld. 2Dit laat jou die wêreld onderrig dat dit één met jou is, nie deur vir die wêreld te preek nie, nie deur dit enigiets te vertel nie, maar bloot deur jou stille insig dat in jou heiligheid alle dinge saam met jou geseënd is.

4. Vandag se vier langer oefenperiodes wat elk drie tot vyf minute se oefening moet behels, begin met die herhaling van die dag se idee, gevolg deur vir ongeveer ’n minuut lank om jou heen te kyk terwyl jy die idee toepas op wat jy ook al sien:

              2My heiligheid seën hierdie stoel.

              3My heiligheid seën daardie venster.

            4My heiligheid seën hierdie liggaam.

5Sluit dan jou oë en pas die idee toe op enige persoon wat by jou opkom, deur sy naam te gebruik en te sê:

              6My heiligheid seën jou, (naam).

5. Jy kan die oefenperiode voortsit met geslote oë; jy mag jou oë weer oopmaak en vandag se idee op jou uiterlike wêreld toepas as jy wil; jy kan die idee afwisselend toepas op wat jy om jou sien en op wie in jou gedagtes is; of jy kan enige kombinasie van hierdie twee toepassingsfases, soos jy verkies, gebruik. 2Die oefenperiode moet afgesluit word met ’n herhaling van die idee met geslote oë, onmiddellik gevolg deur nog een met jou oë oop.

6. Die korter oefeninge bestaan daaruit om die idee so dikwels moontlik te herhaal. 2Dit is veral nuttig om dit stilweg toe te pas op enigeen wat jy ontmoet, deur sy naam te noem soos jy dit doen. 3Dit is noodsaaklik om die idee te gebruik as enigiemand ’n vyandige reaksie in jou wakker maak. 4Bied hom onmiddellik die seëning van jou heiligheid aan, sodat jy kan leer om dit in jou eie bewussyn te bewaar.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 37: My holiness blesses the world. (ACIM, W-37)

« Older posts Newer posts »

Vrywaring / Disclaimer: Hierdie Afrikaanse weergawe is my interpretasie van A Course in Miracles, wat my diep geïnspireer het. Ek het die Kursus in Engels bestudeer en het daarna verlang om my ervaring en insigte in my moedertaal, Afrikaans, te deel. Die werkboek-lesse en terme op hierdie webwerf is vertaal deur Henri Theron. Vir die volledige vertaalde Afrikaanse weergawe van A Course in Miracles, is jy welkom om in aanraking te kom met Henri by: (www.nkiw.org).

Oorspronklik gepubliseer deur die Foundation for Inner Peace in 1975, soos gelei deur Dr. Helen Schucman en mede-skrywer Dr. William Thetford.
Met hul goedkeuring het die Foundation for A Course in Miracles die onderrig-vertakking van die Kursus geword. Albei organisasies het deur die jare getrou gevolg hoe Helen wou hê haar manuskrip hanteer moes word.
As ’n universele, self-studie geestelike leerpad, leer die Kursus ’n unieke vorm van vergifnis—om die hindernisse in die denkgees te verwyder en die blywende teenwoordigheid van liefde te ontdek.

Hierdie webwerf word nie vir geldelike gewin of donasies aangebied nie. Ek doen dit bloot uit liefde en oortuiging, omdat ek glo dat hierdie Kursus 'n kragtige waarheid bevat wat met almal gedeel moet word. Dit is my hart se behoefte om hierdie Kursus bekend te stel aan enigiemand wat daarmee wil werk. Sê hello, stuur vir my 'n e-pos by: (marnus@hemelbewus.org).

Sluit aan by ons e-poslys

All quotes are from A Course in Miracles, Third Edition.
Copyright © 2007 by the Foundation for Inner Peace, copyright holder and publisher.
448 Ignacio Blvd., #306, Novato, CA 94949, acim.org, used with permission.

© 2026 Hemelbewus

Patternstorm Designs