Etiket: geestesdenke (Page 3 of 4)

Les 27 – Meer as enigiets anders wil ek tog net kan sien.

Augustus 11, 2025 /

1. Vandag se idee druk iets sterkers as blote vasberadenheid uit. 2Dit gee aan visie voorrang bo jou ander begeertes. 3Jy mag huiwerig voel om die idee te gebruik, bloot omdat jy nie seker is dat jy dit werklik bedoel nie. 4Dit maak nie saak nie. 5Die doel met vandag se oefeninge is om die tydstip wanneer die idee volkome waar sal wees, ’n bietjie nader te bring.

2. Die versoeking mag nogal groot wees om te glo dat ’n soort opoffering van jou gevra word wanneer jy sê dat jy meer as enigiets anders tog net wil sien. 2As jy ongemaklik raak oor die gebrek aan voorbehoud daarin, voeg dan by:

              3Visie kos niemand iets nie.

4As die vrees vir verlies nie wil wyk nie, voeg verder by:

              5Dit kan slegs ’n seën wees.

3. Vandag se idee benodig baie herhalings vir maksimale voordeel. 2Dit behoort ten minste elke halfuur gebruik te word, en meer indien moontlik. 3Jy kan elke 15 of 20 minute probeer. 4Dit word aanbeveel dat jy, wanneer jy wakker word, of kort daarna, sal bepaal hoeveel tyd jy het om die idee toe te pas en probeer om deur die hele dag daarby te bly. 5Dit sal nie moeilik wees om dit te doen nie, selfs tydens gesprekke of as jy besig is. 6Jy kan altyd ’n kort sinnetjie vir jouself herhaal sonder om enigiets te versteur.

4. Die regte vraag is: hoe dikwels sal jy onthou? 2Hoe graag wil jy hê dat vandag se idee waar moet wees? 3Beantwoord een van hierdie vrae en jy het die ander ook beantwoord. 4Jy sal heelwaarskynlik verskeie toepassings mis, en miskien selfs taamlik baie. 5Moet jou nie hierdeur laat ontstel nie, maar probeer wel om daarna by jou program te hou. 6As jy selfs net een keer gedurende die dag voel dat jy volkome opreg was toe jy vandag se idee herhaal het, kan jy seker wees dat jy jouself baie jare se moeite gespaar het.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 27: Above all else I want to see. (ACIM, W-27)

Les 25 – Ek weet nie waarvóór enigiets daar is nie.

Augustus 9, 2025 /

1. Die betekenis lê in die doel. 2Vandag se idee verduidelik waarom niks wat jy sien enigiets beteken nie. 3Jy weet nie waarvóór dit hoegenaamd daar is nie. 4Daarom is dit vir jou betekenisloos. 5Alles is in jou beste belang. 6Dit is waarvoor dit daar is; dit is die doel daarvan; dit is wat dit beteken. 7Deur dit in te sien, word al jou doelstellings één gemaak. 8Dit is deur dit in te sien, dat wát jy sien, betekenis kry.

2. Jy neem die wêreld en alles daarin as betekenisvol waar in terme van die ego se doeleindes. 2Hierdie doeleindes het niks te doen met jou hoogste of beste belang nie, want jy is nie die ego nie. 3Hierdie vals identifikasie ontneem jou van die vermoë om te begryp waarvoor iets daar is. 4Gevolglik sal jy dit misbruik. 5As jy hiervan oortuig is, sal jy probeer om die doeleindes wat jy aan die wêreld toegeken het, te onttrek, in plaas van om hulle te probeer versterk.

3. ’n Ander manier om die doeleindes wat jy nou waarneem, te beskryf, is om te sê dat hulle almal om “persoonlike” belange draai. 2Aangesien jy geen persoonlike belange het nie, draai jou doeleindes in werklikheid om niks nie. 3Deur hulle te koester, het jy sodoende geen doelstellings hoegenaamd nie. 4En dus weet jy nie waarvoor enigiets daar is nie.

4. Voordat jy enige sin kan maak uit vandag se oefening, is nog ’n gedagte nodig. 2Op selfs die oppervlakkigste vlakke herken jy wel doel en bedoeling. 3Maar doel kan nie op hierdie vlakke begryp word nie. 4Jy weet byvoorbeeld dat die doel van ’n telefoon is om met iemand te praat wat nie fisies in jou onmiddellike omgewing is nie. 5Wat jy nie begryp nie, is waarvoor jy hom wil bereik. 6En dít is wat jou kontak met hom betekenisvol maak, aldan nie.

5. Dit is noodsaaklik vir jou om te leer om gewillig te wees om die doeleindes wat jy vir alles vasgestel het, op te gee. 2Die erkenning dat hulle betekenisloos is, eerder as “goed” of “sleg”, is die enigste manier om dit te vermag. 3Vandag se idee is ’n stap in hierdie rigting.

6. Ses oefenperiodes, elk twee minute lank, word vereis. 2Elke oefenperiode moet begin met ’n stadige herhaling van vandag se idee, waarna jy rondom jou kyk en jou blik laat rus op enigiets wat jou aandag trek, naby of ver, “belangrik” of “onbelangrik”, “menslik” of “onmenslik”. 3Met jou oë wat rus op elke voorwerp wat jy so kies, sê byvoorbeeld:

              4Ek weet nie waarvoor hierdie stoel daar is nie.

              5Ek weet nie waarvoor hierdie potlood daar is nie.

              6Ek weet nie waarvoor hierdie hand daar is nie.

7Sê dit redelik stadig, sonder om jou oë van die voorwerp af te haal, totdat jy die stelling daaroor voltooi het. 8Gaan dan voort met die volgende voorwerp en pas vandag se idee soos voorheen toe.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 25: I do not know what anything is for. (ACIM, W-25)

Les 24 – Ek sien nie wat in my eie beste belang is nie.

Augustus 8, 2025 /

1. In geen situasie wat ontstaan, weet jy watter uitkoms jou gelukkig sal maak nie. 2Jy beskik dus oor geen leiding vir gepaste optrede, en oor geen maatstaf om die resultaat te beoordeel nie. 3Wat jy doen, word bepaal deur jou persepsie van die situasie, en daardie persepsie is verkeerd. 4Dit is dus onvermydelik dat jy nie jou hoogste en beste belang dien nie. 5Nogtans is dit jou enigste doel in elke situasie wat korrek waargeneem word. 6Anders sal jy nie insien wat dit is nie.

2. As jy ingesien het dat jy nie sien wat jou hoogste of beste belang is nie, sou jy dit geleer kon word. 2Maar as jy daarvan oortuig is dat jy wél weet wat dit is, kan jy nie leer nie. 3Vandag se idee is ’n stap op pad na die oopmaking van jou geestesdenke sodat die leerproses kan begin.

3. Vandag se oefeninge vereis baie meer eerlikheid as waaraan jy gewoond is. 2’n Paar onderwerpe wat eerlik en versigtig oorweeg word in elk van die vyf oefenperiodes wat vandag gedoen moet word, sal van groter hulp wees as die oppervlakkige verkenning van ’n groot hoeveelheid. 3Twee minute word voorgestel vir elke periode van geestesdenke-ondersoek wat die oefeninge behels.

4. Die oefenperiodes moet begin deur vandag se idee te herhaal, gevolg deur ’n ondersoek van die geestesdenke met geslote oë na onopgeloste situasies waaroor jy tans bekommerd is. 2Die klem moet val op die blootlegging van die uitkoms wat jy verlang. 3Jy sal gou agterkom dat jy ’n hele aantal doeleindes in gedagte het as deel van die gewenste uitkoms, en ook dat hierdie doeleindes op verskillende vlakke lê en dikwels konflikteer.

5. Noem in die toepassing van vandag se idee elke situasie wat by jou opkom, en som dan versigtig soveel doeleindes as moontlik op wat jy wil hê bereik moet word vir die oplossing daarvan. 2Die vorm van elke toepassing kan naastenby soos volg wees:

            3In die situasie met betrekking tot __________ sou ek graag wil hê dat _________             gebeur, en _________ gebeur,

ensovoorts. 4Probeer om soveel verskillende soorte uitkomste te dek soos wat eerlik by jou opkom, selfs al lyk dit of sommige nie direk met die situasie verband hou, of selfs heeltemal daarby hoort nie.

6. As hierdie oefeninge korrek gedoen word, sal jy gou insien dat jy ’n groot aantal eise aan die situasie stel wat niks daarmee te doen het nie. 2Jy sal ook insien dat baie van jou doelstellings teenstrydig is, dat jy geen eenduidige uitkoms in gedagte het nie en dat jy, hoe die situasie ook al mag verloop, teleurgesteld sal voel met sommige van jou doelstellings.

7. Nadat jy die lys van soveel hoopvolle doelstellings as moontlik, gedek het, sê vir jouself met elke onopgeloste situasie wat deur jou geestesdenke gaan:

              2Ek sien nie wat my beste belang is in hierdie situasie nie,

en gaan dan voort met die volgende een.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 24: I do not perceive my own best interests. (ACIM, W-24)

Les 23 – Ek kan ontsnap aan die wêreld wat ek sien deur aanvalsgedagtes op te gee.

Augustus 7, 2025 /

1. Vandag se idee bevat die enigste uitweg uit vrees wat ooit suksesvol sal wees. 2Niks anders sal werk nie; alles anders is betekenisloos. 3Maar hierdie manier kan nie misluk nie. 4Elke gedagte wat jy het, bou ’n gedeelte van die wêreld wat jy sien. 5Dit is dus met jou gedagtes wat ons moet werk om jou persepsie van die wêreld te verander.

2. As die oorsaak van die wêreld wat jy sien aanvalsgedagtes is, moet jy leer dat dit hierdie gedagtes is wat jy nie wil hê nie. 2Dit is nie sinvol om oor die wêreld te bly kerm en kla nie. 3Dit het geen sin om te probeer om die wêreld te verander nie. 4Dit is nie in staat om te verander nie, want dit is bloot ’n gevolg. 5Maar dit het weliswaar sin om jou gedagtes oor die wêreld te verander. 6Hiermee verander jy die oorsaak. 7Die gevolg sal vanself verander.

3. Die wêreld wat jy sien, is ’n wraaksugtige wêreld, en alles daarin is ’n simbool van wraak. 2Elkeen van jou persepsies omtrent die “eksterne werklikheid” is ’n voorstellingsprentjie van jou eie aanvalsgedagtes. 3’n Mens kan wel vra of dit sien genoem kan word. 4Is fantasie nie ’n beter woord vir so ’n proses, en hallusinasie ’n toepasliker term vir die resultaat nie?

4. Jy sien die wêreld wat jy gemaak het, maar jy sien jouself nie as die maker van die beeld nie. 2Jy kan nie van die wêreld verlos word nie, maar jy kan aan sy oorsaak ontkom. 3Dit is wat verlossing beteken, want waar is die wêreld wat jy sien, as sy oorsaak weg is? 4Visie het reeds ’n plaasvervanger vir alles wat jy dink jy nou sien. 5Lieflikheid kan jou beelde verlig en sodanig transformeer dat jy hulle sal liefhê, selfs al is hulle uit haat gemaak. 6Want jy sal hulle nie alleen maak nie.

5. Vandag se idee stel die gedagte bekend dat jy nie hulpeloos vasgevang is in die wêreld wat jy sien nie, want die oorsaak daarvan kan verander word. 2Dit vereis eerstens dat die oorsaak geïdentifiseer en daarna verwyder word, sodat dit vervang kan word. 3Die eerste twee stappe in hierdie proses vra jou samewerking. 4Die finale een vra dit nie. 5Jou beelde is alreeds vervang. 6Deur die eerste twee stappe te neem, sal jy sien dat dit so is.

6. Naas die gebruik van die idee dwarsdeur die dag wanneer die behoefte ontstaan, word nog vyf oefenperiodes benodig vir die toepassing daarvan. 2Terwyl jy om jou heen kyk, herhaal die idee eers stadig vir jouself, maak dan jou oë toe en bestee ongeveer ’n minuut om jou geestesdenke te ondersoek vir soveel aanvalsgedagtes as wat opduik. 3Soos elkeen deur jou geestesdenke gaan, sê:

            4Ek kan ontsnap aan die wêreld wat ek sien deur aanvalsgedagtes oor __________ op             te gee.

5Hou elke aanvalsgedagte in jou geestesdenke vas terwyl jy dit sê; laat daardie gedagte dan gaan en gaan voort met die volgende een.

7. Maak tydens die oefenperiodes seker om sowel jou gedagtes dat jy aanval, as dat jy aangeval word, in te sluit. 2Hulle gevolge is presies dieselfde, want hulle is presies dieselfde. 3Jy sien dit bloot nog nie in nie en word nou slegs gevra om dit tydens vandag se oefenperiodes as dieselfde te hanteer. 4Ons is nog steeds in dié stadium waar die oorsaak van die wêreld wat jy sien, geïdentifiseer word. 5Sodra jy uiteindelik leer dat gedagtes om aan te val en gedagtes dat jy aangeval word nie verskillend is nie, sal jy gereed wees om die oorsaak te los.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 23: I can escape from the world I see by giving up attack thoughts. (ACIM, W-23)

Les 19 – Ek ervaar nie die gevolge van my gedagtes alleen nie.

Augustus 3, 2025 /

1. Vandag se idee is natuurlik die rede waarom jou manier van sien jou nie alléén beïnvloed nie. 2Jy sal opmerk dat die idees wat verband hou met denke soms dié wat verband hou met persepsie voorafgaan, terwyl die volgorde met ander tye omgekeerd is. 3Die rede is dat die volgorde nie saak maak nie. 4Denke en die resultate daarvan vind in werklikheid gelyktydig plaas, want oorsaak en gevolg is nooit geskei nie.

2. Ons beklemtoon weer vandag die feit dat almal se geestesdenke met mekaar verbind is. 2Aan die begin is die idee selde heeltemal welkom, want dit blyk ’n enorme gevoel van verantwoordelikheid mee te bring, en kan selfs as ’n “inbreuk op privaatheid” beskou word. 3Nogtans is dit ’n feit dat daar geen private gedagtes bestaan nie. 4Ten spyte van jou aanvanklike weerstand teen hierdie idee, sal jy uiteindelik begryp dat dit waar moet wees vir verlossing om hoegenaamd moontlik te wees. 5En verlossing moet moontlik wees, want dit is die Wil van God.

3. Die minuut of meer wat vandag se ondersoek van die geestesdenke vereis, moet met geslote oë gedoen word. 2Vandag se idee moet eers herhaal word en die geestesdenke daarna versigtig ondersoek word vir die gedagtes wat dit op daardie tydstip bevat. 3Noem die sentrale persoon of tema daarin soos jy elkeen oordink, en terwyl jy dit in jou geestesdenke vashou, sê:

              4Ek ervaar nie die gevolge van hierdie gedagte oor _______ alleen nie.

4. Die vereiste om so min as moontlik onderskeid te tref in die keuse van onderwerpe vir oefenperiodes behoort nou al vir jou redelik bekend te wees, en gaan nie meer elke dag herhaal word nie, alhoewel dit af en toe as ’n aanmaning ingesluit sal word. 2Moet egter nie vergeet dat die willekeurige keuse van onderwerpe vir alle oefenperiodes deurgaans noodsaaklik bly nie. 3Die gebrek aan rangorde in hierdie opsig sal jou uiteindelik die betekenis van ’n gebrek aan rangorde by wonders laat insien.

5. Afgesien van die toepassing van vandag se idee “na behoefte”, word ten minste drie oefenperiodes vereis, waarvan die tydsduur, indien nodig, verkort kan word. 2Moenie meer as vier probeer nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 19: I am not alone in experiencing the effects of my thoughts. (ACIM, W-19)

Les 18 – Ek ervaar nie die gevolge van my sien alleen nie.

Augustus 2, 2025 /

1. Vandag se idee is nog ’n verdere stap om te leer dat gedagtes wat aanleiding gee tot wat jy sien, nooit neutraal of onbelangrik is nie. 2Dit beklemtoon ook die idee dat almal se geestesdenke met mekaar verbind is, wat later toenemend benadruk sal word.

2. Vandag se idee verwys nie soseer na wát jy sien as hóé jy dit sien nie. 2Vandag se oefeninge beklemtoon dus hierdie aspek van jou persepsie. 3Die drie of vier aanbevele oefenperiodes moet soos volg gedoen word:

3. Kyk om jou heen, kies so willekeurig as moontlik onderwerpe vir die toepassing van vandag se idee, en hou jou oë lank genoeg op elkeen om te sê:

              2Ek ervaar nie die gevolge van hoe ek __________ sien alléén nie.

3Sluit elke oefenperiode af deur die meer algemene stelling te herhaal:

              4Ek ervaar nie die gevolge van my sien alléén nie.

5Ongeveer ’n minuut, of selfs minder, sal voldoende wees vir elke oefenperiode.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 18: I am not alone in experiencing the effects of my seeing. (ACIM, W-18)

Les 17 – Ek sien geen neutrale dinge nie.

Augustus 1, 2025 /

1. Hierdie idee is nog ’n stap in die rigting om oorsaak en gevolg, soos dit werklik in die wêreld voorkom, te identifiseer. 2Jy sien geen neutrale dinge nie, want jy het geen neutrale gedagtes nie. 3Dit is altyd die gedagte wat eerste kom, ten spyte van die versoeking om te glo dat dit presies omgekeerd is. 4Dit is nie die manier waarvolgens die wêreld dink nie, maar jy moet leer dat dit die manier is waarvolgens jy dink. 5As dit nie so was nie, sou persepsie geen oorsaak hê nie en sou dit self die oorsaak van die werklikheid wees. 6Gesien die uiters veranderlike aard daarvan, is dit allermins waarskynlik.

2. Wanneer jy vandag se idee toepas, sê vir jouself, met oop oë:

              2Ek sien geen neutrale dinge nie, want ek het geen neutrale gedagtes nie.

3Kyk dan om jou heen, en laat jou blik lank genoeg op elke ding wat jy opmerk rus om te sê:

            4Ek sien nie ’n neutrale __________ nie, want my gedagtes oor __________                         is             nie neutraal nie.

5Jy kan byvoorbeeld sê:

              6Ek sien nie ’n neutrale muur nie, want my gedagtes oor mure is nie neutraal nie.

            7Ek sien nie ’n neutrale liggaam nie, want my gedagtes oor liggame is nie neutraal             nie.

3. Dit is soos gewoonlik noodsaaklik om geen onderskeid te maak tussen wat jy glo lewendig of leweloos, aangenaam of onaangenaam is nie. 2Afgesien van wat jy ook al mag glo, sien jy niks wat werklik lewend is, of regtig vreugdevol is nie. 3Dit is omdat jy tot nog toe onbewus is van enige gedagtes wat werklik waar, en daarom werklik vreugdevol is.

4. Drie of vier spesifieke oefenperiodes word aanbeveel, en ’n minimum van drie word benodig vir maksimale voordeel, al ondervind jy ook weerstand. 2Maar indien wel, kan die lengte van die oefenperiode verminder word tot minder as die minuut of meer wat aanbeveel word.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 17: I see no neutral things. (ACIM, W-17)

Les 16 – Ek het geen neutrale gedagtes nie.

Julie 31, 2025 /

1. Vandag se idee is die eerste stap om die oortuiging dat jou gedagtes geen gevolge het nie, uit die weg te ruim. 2Alles wat jy sien, is die resultaat van jou gedagtes. 3Daar bestaan geen uitsondering op hierdie feit nie. 4Gedagtes is nie groot of klein, sterk of swak nie. 5Hulle is bloot waar of onwaar. 6Dié wat waar is, skep na hulle eie beeld. 7Dié wat onwaar is, maak hulle s’n.

2. Geen enkele begrip weerspreek homself meer as dié een oor “ledige gedagtes” nie. 2Wat aanleiding gee tot die persepsie van ’n hele wêreld kan beswaarlik ledig genoem word. 3Elke gedagte wat jy het, dra by tot waarheid of illusie: óf dit brei die waarheid uit, óf dit vermenigvuldig illusies. 4Jy kan inderdaad niks vermenigvuldig nie, maar jy sal dit sodoende ook nie uitbrei nie.

3. Naas jou erkenning dat gedagtes nooit ledig is nie, is dit vir verlossing ook nodig dat jy erken dat elke gedagte wat jy het jou óf vrede óf oorlog besorg, óf liefde óf vrees. 2’n Neutrale resultaat is onmoontlik omdat ’n neutrale gedagte onmoontlik is. 3Daar bestaan so ’n groot versoeking om vreesgedagtes af te maak as onbelangrik, onbenullig en nie die moeite werd om jou oor te bekommer nie, dat dit noodsaaklik is dat jy insien dat hulle almal ewe destruktief, maar ewe onwerklik is. 4Ons sal hierdie idee in vele vorms oefen voordat jy dit regtig begryp.

4. Wanneer jy vandag se idee toepas, ondersoek jy jou geestesdenke eers vir ongeveer ’n minuut lank met geslote oë, en probeer bewustelik geen enkele “klein” gedagtetjie oor te slaan wat neig om die soektog te ontwyk nie. 2Dit is nogal moeilik totdat jy daaraan gewoond raak. 3Jy sal vind dat dit steeds vir jou moeilik is om nie tog ’n kunsmatige onderskeid te tref nie. 4Elke gedagte wat by jou opkom, afgesien van die waarde wat jy daaraan heg, is geskik om vandag se idee op toe te pas.

5. Herhaal tydens die oefenperiodes eers die idee vir jouself, en hou elke gedagte vas soos dit jou geestesdenke te binne skiet, terwyl jy vir jouself sê:

              2Hierdie gedagte oor __________ is nie ’n neutrale gedagte nie.

              3Daardie gedagte oor __________ is nie ’n neutrale gedagte nie.

4Gebruik vandag se idee soos gewoonlik, wanneer jy ook al bewus word van ’n spesifieke gedagte wat ongemak veroorsaak. 5Die volgende vorm word voorgestel vir hierdie doel:

            6Hierdie gedagte oor __________ is nie ’n neutrale gedagte nie, want ek het nie             neutrale gedagtes nie.

6. Vier of vyf oefenperiodes word aanbeveel, as jy hulle relatief maklik vind. 2As spanning ervaar word, sal drie genoeg wees. 3Die lengte van die oefenperiode behoort ook verminder te word as daar ongemak voorkom.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 16: I have no neutral thoughts. (ACIM, W-16)

Les 14 – God het nie ’n betekenislose wêreld geskep nie.

Julie 29, 2025 /

1. Vandag se idee is natuurlik die rede waarom ’n betekenislose wêreld onmoontlik is. 2Wat God nie geskep het nie, bestaan nie. 3En alles wat bestaan, bestaan soos Hy dit geskep het. 4Die wêreld wat jy sien, het niks met die werklikheid te maak nie. 5Dit is jou eie maaksel en dit bestaan nie.

2. Vandag se oefeninge moet deurgaans met geslote oë gedoen word. 2Die tydperk waarin jy jou geestesdenke ondersoek, behoort kort te wees, hoogstens ’n minuut. 3Moenie meer as drie oefenperiodes met vandag se idee hou nie, tensy jy hulle gemaklik vind. 4Indien wel, sal dit wees omdat jy werklik begryp waartoe hulle dien.

3. Vandag se idee is ’n verdere stap om te leer om die gedagtes wat jy op die wêreld geskryf het, te laat vaar en in hulle plek die Woord van God te sien. 2Die eerste stappe in hierdie omruiling, wat in werklikheid verlossing genoem kan word, mag redelik moeilik en selfs behoorlik pynlik wees. 3Sommiges sal jou prontuit vreesbevange maak. 4Maar jy sal nie daar gelos word nie. 5Jy sal ver daarby verbygaan. 6Ons pad lei na volmaakte veiligheid en volmaakte vrede.

4. Dink met geslote oë aan al die afgryslikhede in die wêreld wat jou geestesdenke te binne skiet. 2Noem elkeen by die naam soos dit by jou opkom, en ontken dan die werklikheid daarvan. 3God het dit nie geskep nie, en dus is dit nie werklik nie. 4Sê byvoorbeeld:

              5God het nie daardie oorlog geskep nie, en dit is dus nie werklik nie.

              6God het nie daardie vliegtuigongeluk geskep nie, en dus is dit nie werklik nie.

            7God het nie daardie ramp (spesifiseer) geskep nie, en dit is dus nie werklik nie.

5. Geskikte onderwerpe vir die toepassing van vandag se idee sluit ook enigiets in wat jy bang is met jou mag gebeur, of met enigeen oor wie jy besorgd is. 2Die “ramp” moet in elke geval spesifiek omskryf word. 3Moenie algemene terme gebruik nie. 4Moet byvoorbeeld nie sê: “God het nie siekte geskep nie,” maar: “God het nie kanker geskep nie,” of hartaanvalle, of wat ook al vrees by jou ontlok.

6. Dit is jou persoonlike repertoire van afgryslikhede waarna jy kyk. 2Hierdie dinge is deel van die wêreld wat jy sien. 3Sommige daarvan is gemeenskaplike illusies, en ander is deel van jou persoonlike hel. 4Dit maak nie saak nie. 5Wat God nie geskep het nie, kan slegs in jou eie geestesdenke, apart van Syne, bestaan. 6Daarom het dit geen betekenis nie. 7Sluit, ter erkenning van hierdie feit, die oefenperiodes af met ’n herhaling van vandag se idee:

              8God het nie ’n betekenislose wêreld geskep nie.

7. Vandag se idee kan natuurlik op enigiets toegepas word wat, buite die oefenperiodes, jou gedurende die dag ontstel. 2Wees baie spesifiek in die toepassing daarvan. 3Sê:

4God het nie ’n betekenislose wêreld geskep nie. 5Hy het nie (spesifiseer die situasie wat jou ontstel) geskep nie en dit is dus nie werklik nie.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 14: God did not create a meaningless world. (ACIM, W-14)

Les 13 – ’n Betekenislose wêreld veroorsaak vrees.

Julie 28, 2025 /

1. Vandag se idee is in werklikheid net ’n ander vorm van die vorige een, behalwe dat dit meer spesifiek is oor die emosie wat opgewek word. 2’n Betekenislose wêreld is eintlik onmoontlik. 3Daar bestaan niks sonder betekenis nie. 4Dit beteken egter nie dat jy nie sal dink dat jy iets waarneem wat nie betekenis het nie. 5Jy sal, inteendeel, hoogswaarskynlik dink dat jy dit wel waarneem.

2. Die herkenning van betekenisloosheid ontlok intense angs in alle geskeide mense. 2Dit verteenwoordig ’n situasie waar God en die ego mekaar “uitdaag” oor wie se betekenis in die oop spasie geskryf moet word wat die betekenisloosheid veroorsaak. 3Die ego storm rasend in om ten alle koste sy eie idees daar neer te plak, bang dat die leegte andersins gebruik sal word om sy eie onvermoë en onwerklikheid te bewys. 4En slegs in hierdie opsig is hy korrek.

3. Dit is daarom noodsaaklik dat jy leer om die betekenislose te herken en sonder vrees te aanvaar. 2As jy bang is, sal jy sekerlik eienskappe aan die wêreld toeken waaroor dit nie beskik nie en dit met beelde en voorstellings vul wat nie bestaan nie. 3Vir die ego is illusies veiligheidsmaatreëls, soos hulle heelwaarskynlik vir jou ook sal wees wat jouself met die ego gelykstel.

4 Vandag se oefeninge wat ongeveer drie of vier keer gedoen moet word vir nie langer as ’n minuut of wat op ’n keer nie, moet op ’n ietwat ander manier as die voriges toegepas word. 2Herhaal vandag se idee vir jouself met geslote oë. 3Maak dan jou oë oop, kyk stadig om jou heen terwyl jy sê:

              4Ek kyk na ’n betekenislose wêreld.

5Herhaal hierdie stelling vir jouself soos jy rondkyk. 6Maak dan jou oë toe en sluit af met:

              7’n Betekenislose wêreld veroorsaak vrees, omdat ek dink dat ek met God             meeding .

5. Jy mag dit moeilik vind om nie weerstand van een of ander aard op hierdie laaste uitspraak te ervaar nie. 2Ongeag watter vorm hierdie weerstand ook al mag aanneem, moet jy jouself daaraan herinner dat jy in werklikheid vir so ’n gedagte bang is vanweë die “wraak” van die “vyand.” 3Daar word nie van jou verwag om die uitspraak op hierdie stadium te glo nie, en jy sal dit heelwaarskynlik as absurd van die hand wys. 4Let egter versigtig op enige tekens van verbloemde of onverbloemde vrese wat dit mag opwek.

6. Dit is ons eerste poging tot die uitspreek van ’n eksplisiete oorsaak-en-gevolgverhouding, en wel van ’n soort wat jy nog uiters moeilik vind om te herken. 2Moenie stilstaan by die slotuitspraak nie, en probeer om nie eers daaraan te dink nie, behalwe tydens die oefenperiodes. 3Dit sal op hierdie stadium voldoende wees.

✨ Geïnspireer deur die kernboodskap van die Kursus:

“Niks wat werklik is kan bedreig word nie. Niks wat onwerklik is bestaan nie. Hierin lê die vrede van God.”

Hierdie les kom uit (A Course in Miracles). Hemelbewus bied dit aan in Afrikaans as deel van ‘n pad van innerlike genesing en vergewing. Die vertaling is met groot sorg en toewyding oor verskeie jare deur Henri Theron gedoen, en bring die diep geestelike leringe van die Kursus na Afrikaanssprekende lesers.

📚 Lees meer oor die Kursus: www.acim.org

Lesson 13: A meaningless world engenders fear. (ACIM, W-13)

« Older posts Newer posts »

Vrywaring / Disclaimer: Hierdie Afrikaanse weergawe is my interpretasie van A Course in Miracles, wat my diep geïnspireer het. Ek het die Kursus in Engels bestudeer en het daarna verlang om my ervaring en insigte in my moedertaal, Afrikaans, te deel. Die werkboek-lesse en terme op hierdie webwerf is vertaal deur Henri Theron. Vir die volledige vertaalde Afrikaanse weergawe van A Course in Miracles, is jy welkom om in aanraking te kom met Henri by: (www.nkiw.org).

Oorspronklik gepubliseer deur die Foundation for Inner Peace in 1975, soos gelei deur Dr. Helen Schucman en mede-skrywer Dr. William Thetford.
Met hul goedkeuring het die Foundation for A Course in Miracles die onderrig-vertakking van die Kursus geword. Albei organisasies het deur die jare getrou gevolg hoe Helen wou hê haar manuskrip hanteer moes word.
As ’n universele, self-studie geestelike leerpad, leer die Kursus ’n unieke vorm van vergifnis—om die hindernisse in die denkgees te verwyder en die blywende teenwoordigheid van liefde te ontdek.

Hierdie webwerf word nie vir geldelike gewin of donasies aangebied nie. Ek doen dit bloot uit liefde en oortuiging, omdat ek glo dat hierdie Kursus 'n kragtige waarheid bevat wat met almal gedeel moet word. Dit is my hart se behoefte om hierdie Kursus bekend te stel aan enigiemand wat daarmee wil werk. Sê hello, stuur vir my 'n e-pos by: (marnus@hemelbewus.org).

Sluit aan by ons e-poslys

All quotes are from A Course in Miracles, Third Edition.
Copyright © 2007 by the Foundation for Inner Peace, copyright holder and publisher.
448 Ignacio Blvd., #306, Novato, CA 94949, acim.org, used with permission.

© 2026 Hemelbewus

Patternstorm Designs